Текст проекта 24247-(24247)

14−боб. Юкларни тўкилган ҳолда ташиш тартиби
242. Ушбу Қоидаларнинг 25–иловасида кўрсатилган юклар, вагонга ортилган юклар жойларининг
сони визуал ҳисобланмайдиган шароитда тўкилган ҳолда (жойлар ҳисобга олинмасдан) ташилади.
Бундай юкларни ташишда юкхатининг “Жойлар сони” графасида “тўкилган ҳолда” деб
кўрсатилади.
243. Ушбу Қоидаларнинг 26–иловасида кўрсатилган юклар эшик тўсиқлари ўрнатилган ҳолда
ташилади.
Вагонлар эшикларининг ўрнини тўсиш учун тахталар, горбиллар, тўсиқлар, крафт–қоғозлардан
тўсиқлар ҳамда қадоқланган юклар қўлланилиши мумкин.

---

project.gov.uz
11.11.2020
64
Ушбу Қоидаларнинг 27–иловасида кўрсатилган юкларни ортиш
ва туширишда, юк жўнатувчи ва юкни олувчилар уларни ортиш ва тушириш жараёнида вагон
буксаларига ҳимояловчи фартуклар ўрнатиши шарт.
Бундай юклар туширилгандан сўнг вагонлар мажбурий равишда ювилади
ёки тозаланади.
Вагонларни ювиш ёки тозалаш: юк тушириш юкни олувчи томонидан бажарилган бўлса, юкни
олувчи томонидан; юк темир йўл (инфратузилма эгаси, ташувчи) томонидан туширилган бўлса,
темир йўл (инфратузилма эгаси, ташувчи) томонидан амалга оширилади.
Вагонларни ювиш ёки тозалаш юкни олувчи воситалари ёрдамида ёки темир йўл (инфратузилма
эгаси, ташувчи) томонидан юкни олувчи ҳисобидан амалга оширилади.
244. Ушбу Қоидаларнинг 27–иловасида кўрсатилган юклар туширилгандан сўнг, вагонларни
ювиш ёки тозалаш қуйидаги ҳолларда амалга оширилмайди:
а) айланма маршрутларда ифлослантирувчи ёки бадбўй юкларни ташишда, ушбу вагонлар худди
шу юкларни ортиш учун фойдаланилса;
б) бир турдаги ифлослантирувчи (бадбўй) юклар туширилганидан сўнг, вагонга бошқа турдаги
ифлослантирвчи (бадбўй) юклар иккиламчи операциялар тартибида юкланганда;
в) ушбу Қоидаларнинг 27–иловасида кўрсатилган юкларни ташиш
учун ихтисослаштирилган вагонлардан юк тушириш ишлари амалга оширилгандан кейин.
245. Цемент, оҳак материаллари, шунингдек, уюлган ҳолда ташилувчи материаллар
туширилганидан сўнг бўшаган вагонларни, хоппер–цемент ташувчи, минерал, дон, апатит, акатиш
ташувчи бўш вагонларни ташиш мақсадида
юкни олувчилар томонидан ҳар бир вагон учун алоҳида қайта жўнатиладиган юкхати
расмийлаштирилади. Қайта жўнатиладиган юкхати шакли
ушбу Қоидаларнинг 28–иловасида келтирилган.
246. Ҳарбий қисмлар ҳамда Ўзбекистон Республикаси Ички ишлар вазирлиги муассасалари
томонидан юклар туширилгандан сўнг бўшаган вагонлар учун қайта жўнатиладиган юкхатида
юкни туширган ташкилот номи,
у қайси вазирлик (идора) тизимига кирса, ўша вазирлик номи, юкни олувчи агентининг лавозими
тўғрисидаги графалар тўлдирилмайди, юкни олувчи томонидан штемпель қўйилмайди.
247. Қайта жўнатиладиган юкхати билан бир вақтда юкни олувчи томонидан бўш вагонни
жўнатиш темир йўл станциясида қолувчи қайта жўнатиладиган юкхатининг корешоги
тўлдирилади.
Қайта жўнатиладиган юкхатининг келган вагонни кўздан кечириш натижалари акс эттирилган
орқа томони ушбу вагонга янгидан юк ортиш кўзда тутилган темир йўл станциясида тўлдирилади.