Microsoft Word Bolalar nevrologiyasi end doc

O‘zbekistonda nevrologiya maktabining tashkil topishi
. O‘zbekistonda 
nevrologiya fanining rivojlanishiga O‘rta Osiyo Davlat Uneversitetining ochilishi 
asos bo‘ldi. 1920-yil 1 yanvarda uneversitetning meditsina fakulteti qoshida asab 
kasalliklari kafedrasi tashkil etildi. Unga professor M.L.Zaxarchenko asos soldi va 
u 1939-yilgacha kafedraga mudirlik qildi. 1940-yildan 1959-yilgacha kafedrada 
professor L.Ya.Shargorodskiy, 1963-1965 yillar davomida professor S.T.Oxunov 
mudir bo‘lganlar. 1966-yildan 1995-yilgacha kafedraga akademik N.M.Majidov 

---

9
rahbarlik qildi. Professor Y.Y.Gordon Toshkent shifokorlar malakasini oshirish 
instituti, professor S.S.Gabrielyan Samarqand tibbiyot institutida, professor 
K.X.Salohiddinov Andijon Tibbiyot instituti asab kasalliklari kafedralariga 
rahbarlik qildilar. O‘zbekistonda 1-marta 1972 yil O‘rta Osiyo Davlat Pediatriya 
instituti tashkil topdi. Asab kasalliklari kafedrasiga 1991-yilga qadar professor 
F.T.Abduxakimov mudirlik qildi va 1991-yildan boshlab hozirga qadar professor 
G.Q.Sodiqova kafedraga mudirlik qilib kelmoqda.
 
Nevropatologiya kursi 
Nevropatologiyaning umumiy bo‘limida anatomiya gistologiya va 
fiziologiya asoslariga tayanib, asab kasalligiga duchor bo‘lgan bemorlarni 
tekshirish usullarini o‘rganishga, asab tizimining turli qismlari zararlanganda ro‘y 
beradigan sindromlarni aniqlashni va ularga topik diagnoz qo‘yishni 
o‘zlashtirishga qaratilgan. Umumiy nevropatologiyada patologik jarayon 
joylashgan qismni va uning xususiyatini aniqlash uchun qo‘shimcha paraklinik 
usullardan ham foydalaniladi. Rentgenologiya, elektrofiziologiya, KT, 
likvorologiya, ultratovush va izotop usullarini qo‘llash shular jumlasiga kiradi.
Umumiy 
nevrologiyaning 
barcha qismlarini yaxshi o‘rganish va o‘zlashtirish 
esa, o‘z navbatida, xususiy nevropatologiyani o‘rganish va o‘zlashtirishni 
yengillashtiradi, topik diagnoz qo‘yish esa, fikrlash qobiliyatini takomillashtiradi.
Xususiy nevropatologiya esa o‘z oldiga kasallikning tarixi sxemasini 
o‘zlashtirish, asab kasalliklarini keltirib chiqaruvchi sabablarni – etiologiyasini, 
patogenezi, klinikasi, topik, nozologiya va differensial diagnozi, profilaktika va 
davolash usullarini o‘rganish masalalarini qo‘yadi. Shuning uchun 
nevropatologiyani o‘rganish uning umumiy qismidan boshlanadi.