Microsoft Word Bolalar nevrologiyasi end doc

Tashhis
 
qo‘yishda kasallik tarixi, klinikasi va qo‘shimcha tekshirish 
usullari KT va MRT asos bo‘ladi.
Solishtirma tashhis
 
intromedulyar o‘sma va siringomieliya bilan olib 
boriladi.
Davolash:
 
konservativ davo – etiotrop, degidratatsion, umum quvvatlovchi 
terapiya o‘tkaziladi. Tuberkuloma 2 sm dan katta bo‘lsa, xirurgik davolash 
o‘tkaziladi.
Orqa miyani zararlanishi bilan kechuvchi sil spondilliti 
Sil spondilliti – sil osteomiyeliti bo‘lib, sil mikobakteriyalarining birlamchi 
o‘choqdan umurtqaga o‘tishi natijasida rivojlanadi. Odatda, 1 yoki 2 ta umurtqa 
zararlanadi, ko‘pincha bolalar va o‘smirlar kasallanadilar. Patologik jarayon 
umurtqa tanasining g‘ovaksimon moddasida joylashadi, bunda umurtqalararo 
tog‘ay tezda yemirilib, umurtqalararo yoriq torayib qoladi. Keyinchalik umurtqa 
tanasida bo‘shliq hosil bo‘lib, granulyasion massa, yiring, suyak sekvestrlari bilan 
to‘ladi va umurtqa kanali orqali epidural bo‘shliqqa o‘tadi. Epidural bo‘shliqda 
spetsifik yallig‘lanish kechadi (epidurit) yoki paximeningit. Ba’zida esa abstsesslar 
rivojlanadi. Kasallikni oxirgi davrlarida chandiqli o‘zgarishlar hosil bo‘lib, orqa 
miyani ezib qo‘yadi, ba’zida sil radikuliti va miyeliti rivojlanadli. Mikrobning 
likvorga tushishi natijasida sil meningiti rivojlanadi. 
Klinikasi:
1. Umurtqa belgilari: umurtqa sohasida kifoskolioz, yo‘talganda, yurganda, 
vertikal holatda og‘riq kuzatiladi. Og‘riqni kamaytirish uchun tizzasiga tiralgan 
holda belida bukilib yuradi, R grammada – zararlangan umurtqa tanasini va 
yoriqlarini kichrayishi ko‘rinadi.
2. Ildiz belgilari – zararlangan ildizcha yo‘nalishi bo‘ylab og‘riq, tortilish 
belgilari ijobiy, segmentar tipda sezgi o‘zgarishlari kuzatiladi.
3. Orqa miyani zararlanish belgilari – klinikada orqa miya to‘liq 
ko‘ndalangiga zararlanish belgilari yuz beradi. Kasallik o‘tkir, o‘tkir osti yoki 

---

 260
surunkali kechishi mumkin. O‘tkir kechuvida harakat buzilishlari kuzatiladi. 
Keyinchalik mushak tonusi spastik oshadi, sezgi buzilishlari o‘tkazgich tipda 
buziladi, chanoq-a’zolar funksiyasini nazorat qilaolmaydi. Likvorda deyarli 
o‘zgarishlar yo‘q.