Microsoft Word Bolalar nevrologiyasi end doc

 
Sil serebral vaskuliti 
Sil serebral vaskuliti rivojlanishida sil mikrobakteriyalar allergik 
reaksiyalari orqali qon tomirlarda immun yallig‘lanishga olib keladi. Shuning 
uchun bu kasallikda markaziy nerv tizimini zararlanishi kam uchraydi.

---

 258
Klinikasi: 
polimorf nevrologik belgilar bilan kechib, surunkali 
serebrovaskulyar yetishmovchilik bilan namoyon bo‘ladi. Zararlanish darajasi 
organizm rezistentligi va gematoensefalik baryer o‘tkazuvchanligiga bog‘liq 
bo‘lib, ilk belgilari: vegetiv qon tomir distoniyasi ko‘rinishda namoyon bo‘ladi, 
ya’ni tez charchash, bosh og‘riq, bosh aylanish, quloqda shovqin, emotsional 
noturg‘unlik, uyqu buzilishlari. Bu subektiv belgilar kompleksi bo‘lib, miyada qon 
aylanishi yetishmovchiligi natijasida kelib chiqadi. Kasallik progressirlanish 
natijasida qorachiq konvergentsiyasi, korneal reflekslar pasayadi, til deviatsiyasi, 
oral avtomatizmi reflekslari paydo bo‘ladi. Ko‘p hollarda sil serebral vaskuliti 
insultga (ishemik yoki gemmoragik) olib keladi.
Agarda patologik jarayon eksudativ fazadan proliferativ fazaga o‘tsa, 
meningial belgilar paroksizmal holda namoyon bo‘ladi va kuchli bosh og‘riq
ezuvchi, pulsatsiyalanuvchi, arralovchi, simillovchi turda bo‘ladi. Bosh og‘riq, 
qusish bilan birga kechadi bu esa bir necha soatdan bir necha haftagacha davom 
etadi. Ko‘pincha bu o‘zgarishlar to‘liq yo‘q bo‘lib ketadi. Ba’zida esa anizokariya, 
ko‘ruv nervi atrofiyasi, harakat koordinatsiya buzilishlari, psixik buzilishlari 
kuzatiladi.
Orqa miya suyuqligida
 
deyarli o‘zgarishlar bo‘lmaydi, ba’zi hollarda 
bosim biroz oshadi, oqsil va hujayra (pleotsitoz) yengil darajada oshadi, 
mikobakteriyalar deyarli topilmaydi.
Tashhis qo‘yish:
 
murakkab bo‘lib, keyinchalik sil meningitiga o‘tib ketishi 
mumkin. Kasallikni aniqlashda anamnezga (sil kasalligining ochiq turlari bilan 
kontaktda bo‘lish) ichki a’zolarida silga xos o‘zgarishlar bo‘lishiga, subyektiv va 
obyektiv nevrologik belgilarga asoslanadi.