Vertebrae ning tanasi, boshi va chuqurasi bo‘ladi. Umurtqa tanasi

O‘q suyaklari va umurtqani tuzilishi
Umurtqa pog‘onasidagi har qanday bo‘limning umurtqasi - vertebrae ning tanasi, boshi va chuqurasi bo‘ladi. Umurtqa tanasi – corpus vertebrae eng tig‘iz qismi hisoblanadi. Tananing oldingi uchida umurtqa boshi – caput vertebrae, orqa uchida esa umurtqa chuqurchasi – fossa vertebrae bo‘ladi. Umurtqa tanasining ventral yuzasida pastki tarog‘i – crista vertebralis joylashadi. Umurtqa tanasining har ikkala tamonida, dorsal ravishda umurtqa yoyi – arcus vertebrae, umurtqaning
yoyi bilan tanasi oralig‘ida umurtqa teshigi – foramen vertebrae hosil bo‘ladi.
Hamma umurtqalarning teshigi birlashib, u orqa miya joylashish uchun umurtqa kanali – canalis vertebralis ni hosil qiladi
Umurtqa yoyining kranial cheti asosida kesig – incisura vertebralis cranialis, kaudal (orqa) cheti asosida esa kaudal kesig – incisura vertebralis caudalis bo‘ladi. Umurtqaning bu kesigi qo‘shni umurtqa kesigi bilan birgalikda nerv va qon tomirlari o‘tishi uchun umurtqaaro teshik – foramen intervertebrale ni hosil qiladi.
Umurtqa yoylarining chetidan: oldingi tomonda – oldingi bo‘g‘im o‘simtasi
– processus articularis cranialis, orqa tomonda – orqa bo‘g‘im o‘simtasi – processus articularis caudalis chiqadi. Umurtqa tanasining yon tomonlarida
muskullar birlashishi uchun ko‘ndalang o‘simtalari – processus intertransversarius mavjud. Yoyning o‘rtasidan yuqori tomonga muskullar birlashishi uchun yelka o‘simtasi – processus spinosus chiqadi