Microsoft Word Bolalar nevrologiyasi end doc

62-rasm.
 Bosh miyani tashqi yuzasining arteriyalari. 
1. Chap bosh miya yarim sharining oldingi 
arteriyasi 
2. O‘rta bosh miya arteriyasi 
3. Tashqi ko‘z kosasi peshona arteriyasi 
4. Ko‘tariluvchi peshona shoxchasi 
5. Pretsentral shoxchasi 
6. Sentral shoxchasi
7. Old tepa shoxchasi 
8. Orqa tepa shoxchasi 
9. Burchak shoxchasi
10. Orqa chakka shoxchasi
11. Oldingi chakka shoxchasi.
Miyaning orqa arteriyasi to‘rt tepalikni va miya oyoqchalarini qon bilan 
ta’minlashda ishtirok etadi.
Bosh miya yarim sharlarining tashqari va medial (ichki) sathlarining miya 
arteriyalari qoni bilan ta’minlanishi. 
Bosh miya so‘g‘onining va miyachaning qon bilan ta’minlanishi 
qo‘llanmaning tegishli bo‘limida berilgan. 

---

 149
63-rasm.
 Bosh miyani ichki yuzasini arteriyalari.
1. Ichki ko‘z kosasi peshona arteriyasi 
2. O‘ng oldingi peshona arteriyasi 
3. Peshona arteriyasi
4. Qadoqsimon tana arteriyasi
5. Ichki peshona shoxchasi 
6. Qadoqsimon tana atrofi arteriyasi
7. Paratsentral arteriyasi 
8. Tepa oldi arteriyasi 
9. O‘ng orqa bosh miya arteriyasi
10. Orqa qadoqsimon tana atrofi arteriyasi
11. Tepa-ensa shoxchasi. 
 
BOSH MIYADA VENOZ QON AYLANISH 
Bosh miyadan vena qoni yuza va chuqur miya venalari tizimi orqali oqib, 
bosh miyaning qattiq pardasidagi vena bo‘shliqlariga quyiladi.
Bosh miyaning yuza venalari bosh miya yarim sharlarining po‘stlog‘idan va 
po‘stloq osti oq moddasidan vena qonini olib ketadi. Yuqoridagi yuza venalar 
yuqorigi sagittal vena bo‘shlig‘iga (sinus sagitalis superior), pastki yuza venalar 
esa ko‘ndalang vena bo‘shlig‘iga (sinus transversus), boshqalari esa kallaning asosi 
vena bo‘shliqlariga quyiladilar.
Bosh miyaning chuqur venalari vena qonlarini po‘stloq osti o‘zaklaridan, 
ichki kapsuladan, miya qorinchalaridan yig‘ib olib, bitta katta miya venasiga (vena 
cerebri media) quyiladi. Bu venaning o‘zi esa to‘g‘ri vena bo‘shlig‘iga (sinus 
rectus) quyiladi. Miyachaning venalari katta miya venasiga va kalla asosi vena 
bo‘shliqlariga quyiladilar. Vena bo‘shliqlaridan vena qonlari ichki bo‘yintiriq 
venasi, umurtqa venasi orqali o‘tib, yelka bosh venasiga va nihoyat yuqori kovak 
venaga (vena cava superior) quyiladi. Bulardan tashqari vena qonini kalladan olib 
chiqishda diploik venalar (vena digloicae) va emissar venalarining (v.v.emissaria) 
kalladan tashqarida bo‘lgan venalar bilan anastomozi katta ahamiyatga egadir. 
Bosh miya nervlari bilan birga chiqadigan mayda venalarning ham ahamiyati bor. 
Bosh miya venalarining o‘ziga xos belgilaridan biri shuki, ularning ichida 
klapanlari yo‘q va juda ko‘p anastomozlari bor. Bosh miya vena to‘rining 
tarmoqlari va keng vena bo‘shliqlari kalladan qonning oqib chiqishiga optimal 
sharoit yaratadi. Kalladagi vena tomirlarining bosimi shu bo‘shliq ichidagi bosim 
bilan tengdir. Vena qon oqimi harakatining susayishi kalla ichi bosimning oshib 
ketishiga olib keladi va aksincha, kalla ichi bosimi baland bo‘lsa, vena qonining 
oqib chiqishi qiyinlashadi.