Microsoft Word Bolalar nevrologiyasi end doc

 
Patologiyasi 
Miya pardalarining yiringli yallig‘lanishida (yiringli meningitda) orqa miya 
suyuqligi loyqalanadi. To‘r parda osti bo‘shliqqa qon quyilganida likvorni rangi 
qizg‘ish, bosh miyaning ayrim o‘smalarida esa sarg‘ishroq (ksantaxrom) bo‘ladi.
Yallig‘lanish jarayonlarida shakliy elementlarning (pleotsitoz) ko‘payishidan 
tashqari boshqa elementlar (plazmatik hujayralar) ham paydo bo‘ladi. Ayrim 
hollarda likvorda o‘smalarning hujayralari topiladi. Yuqumli meningitlarda, 
ayniqsa sil meningitida likvorda qand miqdori kamayadi. Uning miqdori epidemik 

---

 154
ensefalit, qoqsholda (stolbnyak) ko‘payadi. Likvorda oqsillar ko‘payib, hujayralar 
soni esa o‘zgarmasdan qolishiga, oqsil-hujayra (belkovo-kletochnaya) 
dissotsiasiyasi deyiladi. Bu esa o‘smalarda, orqa miyaning to‘r va yupqa 
pardalarining yallig‘lanishi (araxnoidit), to‘r parda osti bo‘shlig‘ining butunlay 
berkilib qolganida (blok) kuzatiladi. Meningoensefalitda, meningomiyelitda va 
meningitlarda bir vaqtning o‘zida hujayralar sonini va oqsilni ko‘payishi
(giperproteinnoz) kuzatiladi.
Meningokokk meningitida likvorda pleositoz, globulinlar fraksiyasi va 
umumiy oqsil ko‘payadi. Cho‘kkan quyqadan surtmani tekshirganda 
neytrofillarning ko‘pligi (pleotsitoz) va gramm manfiy diplokokklar topiladi. 
Pnevmokokk meningitida esa hujayralardan tashqari gram musbat diplokokklar 
topiladi.
Sil meningitida likvor tiniq bo‘lishi mumkin, agarda likvorni 12-24 soat 
muzlatgichda saqlansa, probirkadagi suyuqlik ustida yupqa parda hosil bo‘ladi. 
Shu pardadan mikobakteriyani ekib olish va surtmadan sil tayoqchalarini topish 
mumkin.
Juda ko‘p neyroinfeksiyalarda hujayralar miqdori keskin ko‘tariladi, oqsil 
miqdori esa o‘zgarmasligi mumkin, bunga hujayra – oqsil (kletochno-belkovaya) 
dissotsiasiyasi deyiladi.