Microsoft Word Bolalar nevrologiyasi end doc

Elektrofiziologik tekshirish usuli 
Elektrodiagnostika va xronaksimetriya. Elektrodiagnostika deb elektr toki 
bilan ta’sir qilganda nerv va mushaklarning elektr qo‘zg‘aluvchanligini 
tekshirishga aytiladi.
Mushaklarni va nervlarni elektr qo‘zg‘aluvchanligini va elektr 
o‘tkazuvchanligini klassik elektr tashhis (galvanik va faradik toklar) yordamida 
o‘rganiladi. Bu usul esa amaliy klinikada avvalgi asrda tavsiya etilgan.
Klassik elektro tashhisda ikki xil tok ishlatiladi: o‘zgaruvchan (faradik) va 
doimiy (galvanik) tok. 
Mushakka kelayotgan nervga yoki mushakning o‘ziga tok bilan ta’sir 
qilinganda u qisqaradi (to‘g‘ri ta’sirlanish). To‘g‘ri bo‘lmagan ta’sirlanishda 
nervga ta’sir qilinsa, mushakning qisqarishi kuzatiladi. Agarda mushakning o‘ziga 
elektr toki bilan ta’sir qilinsa, bu to‘g‘ri ta’sirlanishga kiradi.
Faradik tok bilan ta’sir qilinganda mushak qisqarishi (tetanik) bo‘lib, 
tokning o‘tayotgan vaqtigacha davom etadi. Galvanik tok bilan ta’sir qilinganda 
mushak qisqarishi faqatgina kontaktlarning tutashuvida va ularni uzilishida kelib 
chiqadi, shu bilan birga kontaktlarning tutashuvida katod ostida (-): uzilishida esa 
anod ostida (+) hosil bo‘ladi. Galvanik toki bilan ta’sirlanganda mushakning 
qisqarishi juda tez, yashin tezligida bo‘ladi, shu bilan birga katod tutashuvidagi 
qisqarish anod tutashuvidagi qisqarishga nisbatan ko‘proq bo‘ladi (KZS>AZS). 
Sog‘lom nerv va mushak elektr diagnostikasi 
1. To‘g‘ri bo‘lmagan (nervdan) va to‘g‘ri (mushakdan) faradik tok bilan 
qo‘zg‘alishdagi natija: ikkala qo‘zg‘alishda mushakning tetanik qisqarishi olinadi. 

---

 155
2. Galvanik tok bilan to‘g‘ri bo‘lmagan va to‘g‘ri elektr qo‘zg‘alishida 
kuchsiz tokda KZS>AZS saqlanib qoladi, boshqacha qilib aytganda, mushak 
qo‘zg‘aluvchanligi katod tutashuvida anod tutashuviga nisbatan ko‘pdir.
3. Sog‘lom mushak hamma qisqarishi juda tez, yashin tezligidagi harakatga 
egadir.
Nervlarning qo‘zg‘alishini va ularning impuls o‘tkazish qobiliyatini, mushak 
qisqarishini, periferik nervlarini va mushaklarni qaysi darajada zararlanganligini 
kasallik dinamikasidagi o‘zgarishlarini va prognozini aniqlashda elektr tashhisi 
topik diagnoz qo‘yish, zararlanish darajasini davolashdan so‘ng dinamikani va 
kasallikni oqibatini aniqlashda katta ahamiyatga egadir.