Microsoft Word Bolalar nevrologiyasi end doc

 
Patologiyasi 
Nerv yoki mushakning zararlanishida polyar qo‘zg‘alishning miqdor va sifat 
o‘zgarishlari vujudga keladi.
1. Elektr qo‘zg‘alishining miqdoriy o‘zgarishida to‘g‘ri va to‘g‘ri bo‘lmagan 
elektr qo‘zg‘alishi ikki xil tokda ham saqlanib qoladi, ammo qisqarish uchun kerak 
bo‘lgan tok kuchi normaga nisbatan ko‘p bo‘ladi.
2. Elektr qo‘zg‘alishining sifat o‘zgarishida mushaklarning qisqarish 
tezligini va polyar formula qo‘zg‘alishining xarakteriga e’tibor berish kerak.
Nerv-mushak apparati og‘ir zararlanganda o‘zgarish (pererojdeniya) ya’ni 
aynash (degeneratsiya) reaksiyasi bo‘ladi.
Degeneratsiya reaksiyasi quyidagicha kechadi. 
1. Ikkala tokda to‘g‘ri bo‘lmagan qo‘zg‘alish yo‘qoladi (galvanik va faradik 
toklarga asab qo‘zg‘alishi yo‘q). 
2. Faradik tokdan to‘g‘ri qo‘zg‘alish yo‘qoladi (faradik tok bilan 
mushaklarning qisqarishi bo‘lmaydi).
3. Galvanik tok bilan to‘g‘ri qo‘zg‘alish saqlanadi, (mushak-qisqarishi 
uchun tok kuchi normaga nisbatan ko‘proq bo‘ladi). 
4. Formulaning AZS> KZS buzilishi bo‘ladi, ya’ni anodning ulanishidan 
qisqarishi, katodning ulanishidan qisqarishiga nisbatan kuchli bo‘ladi (AZS> 
KZS). 
5. Mushakning qisqarishi sust bo‘ladi.
Qisman aynash, ya’ni degeneratsiya (pererojdenie) reaksiyasiga esa 
quyidagilar xos.
1. Ikkala tokda to‘g‘ri bo‘lmagan elektr qo‘zg‘alishi pasaygan, normaga 
nisbatan ko‘proq tok kuchi kerak 
2. Galvanik tokda to‘g‘ri elektr qo‘zg‘alishi saqlanadi (normaga nisbatan 
ko‘proq tok kuchi kerak). 
3. Mushak qisqarishi xarakteri sust, chuvalchangsimon va sekinlashgan. 
4. AZS = KZS yoki AZS> KZS. 
Butunlay yoki qisman degeneratsiya (pererojdenie) reaksiyasi periferik 
harakat neyronining zararlanganini ko‘rsatadi.
Aynash (pererojdenie) reaksiyasi tezda taraqqiy qilmaydi: falaj bo‘lgandan 
keyin birinchi kunlari elektr qo‘zg‘alish oshadi, 7 kundan keyin nervning 

---

 156
qo‘zg‘alishi to‘xtaydi, faqatgina galvanik tokda mushaklarda sust qisqarish 
kuzatiladi. Hozirgi vaqtda elektr diagnostikada universal elektr impulsator 
qo‘llaniladi.