1-БЎлим. Бахтли ҳаёт асослари бахтнинг баҳоси қанча?

ЭР-ХОТИНЛИК МУҚАДДИМАСИ 
Биринчи учрашув, деганда эр хотини қўлидан тутиб уйига олиб кириши тушунилади. Аѐлнинг 
эр уйига бу тарзда кириши эр-хотинлик ҳаѐти бошланишидир. Биринчи учрашув, деганда, қўшилишга 
ҳам ишора қилинади. 
Аѐлнинг эр уйига кириши унинг бир оиладан иккинчи оилага ўтишидир. У ота-онаси, 
туғишганлари бағрини тарк этиб, эрининг умр йўлдошига айланади. Худди шу гаплар хотинига 
масъул эркакка ҳам тегишли. У энди оиласи олдидаги бурчларини бажариши лозим. 
Эр ҳам, хотин ҳам биринчи учрашувга руҳий ҳозирлик кўрсинлар. Бу учрашувдан олдин эркак 
хотини билан тотув яшашга, унга сабр-тоқат билан яхши муомала қилишга ўзини ҳозирласин. Бу 
нарса осон эмаслигини, муҳим ишга қадам қўяѐтганини кўз олдига келтирсин. Аѐл ҳам эрка қиздан 
жавобгар хотинга айланишдек муҳим ишга ўзини тайѐрласин. Куѐв ҳам, келин ҳам нимага қадам 
қўяѐтганини, уларни масъулиятга садоқат кутаѐтганини яхши билиб олишсин. 
Мазкур иборанинг ишора маъносига – қўшилишга келсак, эр-хотин бу ишга насл қолдириш, 
жинсий аъзони ҳаромдан сақлаш воситаси деб қарайдилар
28
. 
КЕЛИН ЯНГА ЎГИТЛАРИ 
Бу ўринда Ўктам Муҳаммад Муроднинг “Эр-хотинлик бахти ѐхуд жинсий маданият” номли 
китобидан фойдаланган ҳолда ахлоқий, руҳий, тиббий маслаҳатларни қисқача баѐн этамиз: 
Одатда, илк висол оқшомидаги масъулият янгаларга юкланади. Аслида оналар, оилали опалар 
ҳам бу ишга бир хилда ѐндошишлари керак. Зеро, бўлғуси келинчак унаштирилган дамданоқ у билан 
маҳрам суҳбатлар ўтказилса, мақсадга мувофиқ бўлади. 
Янгалик вазифаси чуқур мушоҳадалиликни, шаръий, руҳий, тиббий саводхонликни талаб 
этади. Қуйидаги маслаҳатлар келинчакка сирдош янгаси, онаси, опаси ѐки оилали дугоналари орқали 
етказилса, яхши бўлади. 
1. Аввало, ҳар бир банда қурилаѐтган оиласи мустаҳкам, хайрли бўлишини Аллоҳдан сўрайди. 
Бу, аждодларимиздан мерос қолган удумдир. 
2. Озодалик – инсоннинг гўзал хислати. Руҳиятшунослар таъкидлашича, аѐлдаги тукларни 
кўриш эркак кишида нохуш кайфият туғдиради. Шунинг учун муслима қизлар ўзларини туклардан 
тозалаб туришлари лозим. 
3. Гўшангадан, ѐтоқхонадан, келинчакнинг ўзидан доим ѐқимли ҳид таралиб туриши айни 
муддао. Бироқ ниҳоятда ўткир ҳидли атирлар сепиш ҳам маъқул эмас. Чунки куѐв бола кўча-кўйда 
меъѐридан ортиқ безаниб юрадиган енгилтак аѐлларга хос ҳидларни гўшангада пайқаши унинг 
кайфиятига салбий таъсир қилиш мумкин. Хушбўйлик чегараси ҳаѐ билан ўлчанади. 
28
Манба: Муҳаммад Шариф Жуман, Аҳмад Муҳаммад, “Динда саволим бор”, 318-319-бетлар. 

---

43 
4. Гўшанга сари одимлаѐтган келинчак ғусл қилиб, танасини нопокликлардан тозалаши ҳам 
мақсадга мувофиқдир. 
5. Илк висол оқшоми сизнинг ҳайз кўриш жараѐнингизга тўғри келса ѐки куѐв бола гўшангага 
ичкилик ичиб маст ҳолида кирса, қовушишни бир неча кунга кечиктиришни мулойимлик билан 
тушунтиринг. Чунки ҳайз пайтида қўшилиш мумкин эмас. Бундай вақтда қилинган алоқа касалликка 
сабаб бўлиши тиббиѐтда аниқланган. 
6. Тўйдан олдинги ваҳимали маслаҳатларга, биринчи кечадаги даҳшатли оғриқлар ҳақидаги 
асоссиз гапларга ишонманг. Келиннинг нотўғри хатти-ҳаракати, гавдасини бўш тутмаслиги, қаттиқ 
қаршилик қилиши қин мускуллари қисқаришига, бир оз оғриққа сабаб эканини унутманг. 
7. Қиз боланинг ҳаддан ортиқ қаршилик кўрсатиши куѐвдаги иштиѐқни сўндиришини, ҳатто 
унда руҳий жинсий заифликни вужудга келтириши мумкинлигини ѐдда тутинг. 
8. Агар куѐв мақсадга эриша олмай изтироб чекаѐтганини кўрсангиз, унга далда беринг, руҳан 
кўмаклашинг. 
9. Жинсий алоқадан кейин ғусл қилишни унутманг. Яъни, гигиеник муолажаларни амалга 
оширинг
29
.