1-БЎлим. Бахтли ҳаёт асослари бахтнинг баҳоси қанча?

5. Турмуш ўртоғи билан мулоқот қилиш. 
Эрталаб маълум вақтни турмуш ўртоғингиз билан алоқани тиклаш ѐки мустаҳкамлашга 
ажратинг. У билан режаларингиз, молиявий аҳволингиз, ҳатто қизиқишларингиз ҳақида 
суҳбатлашинг. Бу, сизга улар ҳаѐтида ўз ўрнингизни сақлаб қолишга ѐрдам беради. Айни тонг 
чоғида фикрлар жамланган бўлади. Шунинг учун эр-хотин суҳбатини анъанага айлантириш жуда 
муҳим. 
6. Пухта режа ишлаб чиқиш. 
Вақтингиздан бир неча дақиқасини бугунги кунингиз йўналишини белгилаб олиш учун 
бағишламасангиз, қандай қилиб кунингиз унумли бўлишини таъминлайсиз? Ҳаѐтдаги 
мақсадларингизни бир бор кўз олдингизга келтириб, келгуси кун асосий вазифаларини кўриб 
чиқинг. Бунга 10 дақиқа ажратишни одат қилсангиз, ишларингиз тартибли бўлади, кунингиз 
тушкунликларсиз ўтади. 
7. Мияни “тозалаш”, мулоҳаза юритиш. 
Сукут сақланг, дуо қилинг, турли ѐмон фикрларни миянгиздан чиқариб ташланг. Ёдда тутинг: 
90 фоиз касалликлар сиқилиш оқибатида келиб чиқади. Шундай экан, кўнглингизни хира қиладиган 
нарсаларни унутинг. 
8. Вақтни болалар билан ўтказиш. 
Фарзанди борлар учун муҳим маслаҳат. “Мени болам бирпасда катта бўлиб қолди-я! У билан 
кўп вақтимни ўтказолмадим”, деб афсусланадиган ота-оналардан бирига айланиб қолманг Эрта 
тонгда қизалоғингиз ѐки ўғлингизга кийинишда ѐрдамлашинг, ўзгачароқ нонушта тайѐрлаб беринг, 
уларнинг орзулари ҳақида суҳбат қуринг. Ишингиз оилавий ҳаѐтингизга халақит бермасин
14
. 
ҚЎЛИНГИЗДАН КЕЛАДИГАН 20 ТА ФОЙДАЛИ ИШ 
Соғлом турмуш тарзига эришиш учун психологлар қуйидаги 20 та фойдали ишни кун 
тартибига киритишни тавсия этишган: 
1. Доим бир хил вақтда ухланг, бир хил вақтда уйғонинг. 
2. Нонушта, тушлик, кечки овқатни ҳар куни бир вақтда тановул қилинг.
3. Бир суткада 8 соатдан кўп ухламанг. 
4. Ётишдан олдин бир оз пиѐда юринг, тоза ҳаводан баҳраманд бўлинг. 
5. Кун давомида камида 1,5 литр сув ичинг. 
6. Ҳар куни мева-сабзавотлар енг. 
7. Ётишдан олдин бир стакан қатиқ ичинг. 
8. Кун давомида компьютердан 2 соатдан ортиқ фойдаланманг. 
9. Ташқи кўринишингизга эътибор беринг. 
10. Саҳарда югуринг ѐки пиѐда юринг. 
11. Спорт билан шуғулланинг. 
12. Табассум қилинг. 
13. Ҳар куни 5 та янги сўз ўрганинг. 
14. Ҳар куни уйингизни тартибга солинг, кераксиз нарсалардан воз кечинг. 
15. Эрталабки бадантарбияни канда қилманг. 
16. Ҳар куни янги нарса ўрганишга ҳаракат қилинг, бугунги кунингиз кечагисидан фарқ 
қилсин. 
17. Ҳар куни камида 10-15 саҳифа китоб ўқинг. 
18. Ўзингизда сабр-қаноат фазилатини шакллантиринг. 
19. Инсонларга чиройли муомалада бўлинг. 
20. Фақат яхши ният қилинг.