Buyrug‘i maktabgacha ta’limga qo‘yiladigan davlat talablarini tasdiqlash haqida

XVII bob. Ijtimoiy-hissiy rivojlanish
1-§. Ijtimoiy rivojlanish
181. Quyidagilar 2 yoshdan 3 yoshgacha bo‘lgan bolalarda ijtimoiy rivojlanish talablari
hisoblanadi:
tanish va notanish odamlarni ajrata olish;
boshqa bolalar va katta yoshdagilar bilan muloqot qilish ko‘nikmalarini rivojlantirish
qobiliyatiga ega bo‘lish.
182. Quyidagilar 2 yoshdan 3 yoshgacha bo‘lgan bolalarda ijtimoiy rivojlanish
indikatorlari hisoblanadi:
o‘yin paytida tanish odamlarga murojaat qilish;
katta yoshdagilarning hikoyalari va rasmlariga qiziqish bildirish;
o‘ziga nisbatan e’tibor talab qilish;
boshqa bolalar bilan o‘ynash uchun katta yoshdagilar yonidan osonlikcha ketib qolish;
qandaydir ma’lumotlarni yetkazishga intilish;
birgalikdagi harakatlar orqali katta yoshdagilar e’tiborini qaratishga urinish;
savollar berish va suhbatga kirishish;
o‘yin vaqtida do‘sti bilan yaqin muloqot qilish (o‘z o‘yinchoqlari bilan o‘rtoqlashish),
tengdoshlarini oddiy o‘yinga jalb qilishga urinish, ularning harakatlarini kuzatib turish;
o‘yinlar va hamkorlikdagi faoliyatda birga harakat qilish.
183. 2 yoshdan 3 yoshgacha bo‘lgan bolalar ta’limiga quyidagicha yondashish lozim:
bola polda o‘ynayotganda uning oldiga borish va u bilan o‘ynash;
bolani notanish odamlarni ajratishga o‘rgatish;
bola notanish sharoitlarga ko‘nikkunga qadar uning yonida bo‘lish;
bolaning talablariga javob berish, notanish muhitda u o‘zini xavfsiz his etayotganiga
ishonch hosil qilish;
bolani majburlamagan holda uning boshqa bolalar bilan o‘ynashini rag‘batlantirish;
bolaning avval kuzatib, keyin esa, boshqa bolalarga qo‘shilish ehtiyojini hurmat qilish;
bolaga yaqin atrofda o‘ynayotgan bolalarga qo‘shilib, ular bilan birga uzoq vaqt
davomida o‘ynashiga imkon berish;
bolani tinglayotganda sabrli bo‘lish, savollarga qisqa javob qaytarmaslik, uning
savollariga javob berish modellarini ishlab chiqish;
bolaga ko‘proq o‘z tengdoshlari bilan o‘ynash imkoniyatini berish;
bolaning yonida bo‘lish va unga yordam taklif qilish.
184. 2 yoshdan 3 yoshgacha bo‘lgan bolalarning xavfsiz yashashi va harakatlanishini
ta’minlash maqsadida quyidagilarga rioya qilish lozim:
bolada ijobiy ruhiy holatni saqlab turish;
bola uchun individual ravishda kuniga kamida 30 daqiqa ajratish;
teleko‘rsatuvlarni ko‘rish vaqti cheklanishiga ahamiyat berish.