Асосий касалликнинг баёии

 
АСОСИЙ КАСАЛЛИКНИНГ БАЁНИ 
Терида кузатилаѐтган патологик жараѐн тарқалган характерга эга. Зарарланган 
ўчоқлар думба ва оралиқ соҳаларида, жинсий лаблар ва уларнинг атрофида, 
шунингдек қўл ва оѐқ панжаларининг терисида жойлашган. Мазкур соҳалардаги 
патологик ўчоқлар терининг соғлом соҳаларидан аниқ чегаралари билан ажралиб 
турибди. Ўчоқларнинг чети турли шаклда, кўп қисми симметрик жойлашган. 
Бирламчи тошма элементларидан яллиғланган доғлар, пуфаклар, йирингчалар 
ва тугунчалар кузатиляпти. Ўткир яллиғланиш белгилари билан кечаѐтган 
соҳалардаги пуфаклар айлана-овалсимон, ҳажми мош ва нўхатдек келади. Битта-
иккита пуфакчаларнинг катталиги бир тийинлик чақадек ва кўпгина пуфаклар сероз -
йирингли суюқлик билан тўлган. Йирингчаларнинг аксарияти қўл ва оѐқ панжалари 
соҳасида жойлашган, улар атрофидаги тери қизариб, шишган. Тугунчаларда ҳам 
яллиғланиш аломатлари бор, рангги қизил, пушти, атрофидаги терида эритема 
ривожланган. Буллѐз тошмалар тўплами ва улар пардасининг бузилиши катта-катта 
эрозия ўчоқларини ҳосил қиляпти. Шилинган (эрозияланган) соҳаларнинг туби 
чуқурлашиб, ярага айланган. 
Қўл панжаларининг дистал учлари йўғонлашган, тирноқлар остида гиперкератоз 
кузатиляпти. Аксарият тирноқлар эластиклигини йўқотган, хиралашган, мўрт ва тез 
синувчан, баъзилари ушалиб тушяпти. 
Бошдаги сочларнинғ тўкилаѐтганлиги яққол кўзга ташланиб турибди. Баъзи соч 
толаларининг синиб тушаѐтганлиги маълум бўлди. Ўнг қошидаги сочлар деярли 
тўкилиб бўлган, фақат битта-иккита соч толалари кўриниб турибди. Кўз ва кўз 
атрофидаги терида блефарит ва дерматоконъюнктивит ривожланяпти. Оғиз 
бўшлиғининг шиллиқ қаватларида яллиғланиш аломатлари бор. Тил эса оқимтир 
парда билан қопланган. Юз лабида эндигина ривожланаѐтган хейлит кузатиляпти. 
Гўдакнинг нотинчлигидан субъектив нохуш сезгилар уни безовта қилаѐтганлигини
англаш қийин эмас. 
Дастлабки ташхис - энтеропатик акродерматит (Брант-Данбольт-Глосс синдроми). 
Эшакемга чалинган С. исмли бемор касаллик тарихининг асосий касаллиги баѐнидан 
кўчирма