Европейский Централный Банк (ецб)

IX БОБ. Хорижий мамлакатлар банклари билан
Ўзбекистон Республикаси банкларининг алоқалари 
1990 йилларнинг бошида Собиқ Совет Иттифоқи тугагандан кейин 
Мустақил Давлатлар Ҳамдўстлиги (МДҲ) тузилиб, унинг аъзо 
давлатларининг қатор хўжалик фаолиятларида демонополизация жараёнлари 
ва иқтисодий тизимда сезиларли ўзгаришлар амалга оширилди ҳамда 
тамойилиал жиҳатдан янги бозор институтлари яратилди. МДҲ 
мамлакатлари иқтисодини либераллашув даражаси турлича бўлишига 
қарамай, амалга оширилган трансформация у ёки бу даражада молия 
соҳасига ҳам ўз таъсирини ўтказди. Хусусан, банк соҳасидаги бозор 
ислоҳотлари банк тизимида икки поғонали банк секторини пайдо бўлишига 
ўз таъсирини ўтказди. Бу ўзгаришлар марказий банк ва тижорат кредит 
муассасалари тўғрисидаги қонунлар билан мустаҳкамланди. Давлат 
банклари, акционерлик банкларга, баъзи бир давлатларда улар тўлиқ 
хусусийлаштирилди. Бозорга асосланган хўжалик яратиш билан бир қаторда, 
ташқи рақобат учун иқтисодиётни очишга ҳаракат ҳам қилиб кўрилди. 
Хусусий тижорат банклари ҳамда хорижий капитал иштироки билан кредит 
муассасалари таъсис этилиши учун барча шарт-шароитлар яратилди. 
Собиқ совет даврида ягона халқ хўжалиги комплекси бўлишига қарамай, 
МДҲ даврида банк тизимида ҳар бир давлат ўз манфаати йўналишида 
мустақил ислоҳотлар ўтказилди ва ҳамма аъзо давлатлар ўз-ўзича ривожлана 
бошлади. Ваҳоланки, кўпгина МДҲ давлатлари Россия тажрибасидан нусха 
олишди, улар бир-бирлари билан ўзаро интеграллашиш ўрнига, нисбатан 
халқаро бозор билан интеграллашишга ҳаракат қилишди. Ҳамдўстлик 
давлатлари банк тизимининг миллий хусусиятларини инобатга олиб ва 
макроиқтисодий реалликдан келиб чиқиб трансформация бўлиши улар 
ўртасидаги тафовутни миқдори ва тузилиш таркиби бўйича ўта фарқланишга 
олиб келди.
МДҲ мамлакатлари тизимида банк секторининг ялпи активлари 2007 йил 
1 январь ҳолатига кўра 700 млрд.долларни ташкил этган, агар бу кўрсатгични 
Жаҳон меъқиёси билан солиштирсак, у жуда ҳам кам улушни ташкил этади. 
Бу давлатларни ичида Россия монопол ўринни эгаллайди,