Шуҳрат эргашев жаҳон тарихи (Янги давр. 1-қисм. Xvi–xviii асрлар)

Францияда диний урушлар ва абсолют монархиянинг 
мустаҳкамланиши
1598 йили Францияда Нант эдикти
1
чоп қилинди ва то 1685 йил-
гача мамлакатда диний сабр-тоқат тантана қилди. Эдиктда, жум-
ладан, шундай сатрлар бор: «Худонинг иродаси билан Франция ва 
Наварра қироли Генрих, барча ҳозир бўлганлар ва иштирок этган-
ларга салом! Бу абадий ва бекор қилинмайдиган эдикт билан биз 
қуйидагиларни айтдик, эълон қилдик ва буюрдик:
VI. Бизнинг фуқароларимиз орасида жанжал ва тўполонга ҳеч 
қандай сабаб қолдирмаслик учун биз ислоҳ қилинган деб аталаёт-
ган динга эътиқод қилувчиларни бизнинг қироллигимиздаги барча 
шаҳарлар ва жойларда ва бизга тобе вилоятларда қувғин, сиқув ва 
дин ишларида уларнинг виждонига қарши бирон иш қилинишига 
зўрлаш бўлмайди, уларнинг қарашлари учун ўзлари яшаётган уй-
ларда ва жойларда таъқиб қилинмайдилар деб марҳамат қилдик ва 
марҳамат қиламиз...
IX. Биз, шунингдек, номи айтиб ўтилган динга эътиқод қиладиган 
барчага бизнинг шаҳарларимизда ва бизга тобе вилоятларда эътиқод 
қилишда давом этишларига рухсат берамиз.
XXII. Буюрамизки, айтилган динга нисбатан ўқувчиларни уни-
верситетларга, коллеж ва мактабларга, касал ва камбағалларни эса 
госпиталлар ва жамоат шафқати ташкилотларига қабул қилишда 
ҳеч қанақа камситиш бўлмасин.
XXVII. Биз эълон қиламизки, ислоҳ қилинган дин деб аталаёт-
ган динга эътиқод қилаётган ёки эътиқод қиладиган барча кишилар 
барча жамоат мансабларини, қироллик, сеньорлик ёки шаҳар манса-
бларини бизнинг қироллигимизда ва бизга бўйсунувчи вилоятлар-
да, ерлар ва сеньорликларда, бунга зид бўлган барча қасамёдларга 
қарамасдан эгаллаш ва бажариш ҳуқуқига эга ва биз томонимиздан 
фарқламай қабул қилинадилар, ишлашларига йўл қўйиладилар...
Нантда, 1598 йилнинг апрелида, бизнинг қироллигимизнинг 
тўққизинчи йилида берилди».
1
Эдикт – қиролнинг алоҳида муҳим фармони.
www.ziyouz.com kutubxonasi

---

118