K I m y o ki my oga oi d atama lar etimilo gi ya si

Prazeodim va neodim     
1841-yilda Karl Mosander «lantanli yer»ni ikkita yangi «yer»ga parchalashga erishdi 
(bu o‘rinda «yer» deganda oksidlar nazarda tutilmoqda). Olingan yangi «yer»lardan biri lantan 
oksidi bo‘lib, ikkinchisi esa unga juda ham o‘xshar, lekin baribir biroz farqli oksid edi. O‘sha 
ikkinchi  oksidni  kimyogarlar  «didimiy»  deb  nomlashgan.  Bu  so‘zning  ma’nosi  yunonchada 
«egizak»  degani  edi.  1882-yilda  Avstriyalik  kimyogar  Karl  Auer  fon  Velsbax  (1858-1919) 
didimiyni  ham  tarkibiy  qismlarga  parchalashga  muvaffaq  bo‘ldi.  Ma’lum  bo‘lishicha, 
didimiyning o‘zi ham aslida ikki xil yangi elementning oksidlari aralashmasi ekan. Auer fon 
Velsbax olgan elementlardan birining oksidi yashil rangli tuz hosil qilar edi va shu sababli olim 
unga «yashil egizak» degan ma’noni beruvchi «prazeodim» nomini biriktirgan. Yunonchada 
«prasinos» - yorqin yashil rangni bildiradi. Didimiydan olingan ikkinchi element esa pushti 
rangli tuzlar hosil qilgan. Biroq, unga rangiga ko‘ra nom berilgan deyish  qiyin. Chunki,  fon 
Velsbax bergan neodim nomi «yangi egizak» degan ma’noni beradi.