K I m y o ki my oga oi d atama lar etimilo gi ya si

Brom     
Yunon  tilida  «bromos»  -  qo‘lansa,  badbo‘y,  sassiq  degan  ma’nolarni  anglatadi. 
Haqiqatan ham, brom o‘ta qo‘lansa, badbo‘y hidga ega bo‘lib, xlorni hididan ham sassiqroq 
bo‘ladi. Brom – metallar turkumiga kirmaydigan elementlar ichida, oddiy sharoitlarda suyuq 
holatda turadigan yagona elementidir. Bromni dastlab «murid» deb nomlash taklifi ham ko‘rib 
chiqilgan. Biroq, mutaxassislar kimyoviy birikmalar nomlarida chalkashlik kelib chiqmasligi 
uchun  ushbu  nom  inkor  qilindi.  Sababi,  o‘sha  paytlarda  murid  kislota  deb,  xlor  kislotasi 
atalardi.  Qizig‘i  shundaki,  bromni  kashf  qilgan  shaxs  sifatida  manbalarda  farang  kimyogari 
Antuan  Jerom  Balar  (1802-1876)  qayd  etiladi.  Lekin,  Geydelberg  universiteti  talabasi  Karl 
Levig bromni undan ham avvalroq ajratib olgani aniq. Shunchaki, Levig bromni ajratib olgani 
haqidagi  ilmiy maqolasini  chop etishga kech qolgan.  Bromni  shuningdek Yustus  Libix ham 
kashf  qilishi  mumkin  edi.  Lekin,  Libix  o‘zi  ajratib  olgan  suyuqlikni  yod  xloridi  (ICl)  deb 
o‘ylagan va tekshirib  o‘tirmasdan, tashlab  yuborgan.  Yod xloridi sof holda bo‘lgan holatda 
to‘q  qo‘ng‘ir  modda  bo‘lib,  27,2  ℃  da  erib,  suyuqlanadi.  Agar  uning  tarkibida  boshqa 
aralashmalar ham mavjud bo‘lsa, erish va suyuqlanish harorat yanada pasayadi va u 20 ℃ da 
ham suyuq ko‘rinishga kelishi mumkin. Libix, yangi element kashf etish borasida uloqni Balar 
ilib ketganini, o‘zi esa g‘aflatda qolganini o‘zi anglab yetgach, alam bilan shunday xitob qilgan 
edi: «Balar bromni emas, aksincha brom Balarni kashf etgan!».