Microsoft Word Қўнғироқлар устаси docx

5 БОБ 
ИЛК ТААСУРОТЛАР ВА ТЕЛЕФОНДА ИШЛАШ ВОСИТАЛАРИ  
Максимал даражада самарали мулоқот қилиш учун нима ёрдамида натижага тезроқ ва 
осонроқ эришишимиз мумкинлигини билишимиз муҳим. Телефонда ишлаш воситаларини 
яхшироқ тушуниш ва ҳис қилиш учун илк таасуротдан бошлаймиз: бу ўзи нима ва унинг ҳар 
қандай мулоқотда, умуман савдода, шунингдек, телефон орқали суҳбатдаги аҳамияти нимада. 
Илк таасурот – янги шахсга нисбатан мулоқотнинг илк сонияларида пайдо бўладиган 
туйғу, ҳиссиёт, фикр ва муносабатлар мажмуи. 
Ёдда тутинг, Сизнинг янги шахс билан ҳар қандай мулоқотингиз қаерда ва қандай 
кечгани муҳим эмас. Илк сониялардаёқ сизнинг ички “сканерингиз” тез-тез ўзининг махфий 
ишини амалга оширди ва суҳбатдошингиз тўғрисида таасуротларни берди. Сиз ҳали ҳеч 
нимани ўйлашни улгурмасиздан шахсга нисбатан туйғу ва ҳиссиётларингиз аллақачон 
шаклланиб улгуради. Сиз доимо нимани ҳис қилаётганимизни англаёлмаймиз, бироқ ушбу 
лаҳзаларда айнан ҳис-туйғулар кейинги мулоқот билан бевосита боғлиқ. 
Агар мулоқот аввалида у инсонда “ҳаммаси жойида эмаслигини” сезсангиз, бу кейинги 
воқеликларнинг давомига таъсир кўрсатади. Ҳеч ким муаммоли инсонлар билан мулоқот 
қилишни ёқтирмайди. биз қанчадир вақт бундай инсонларга сабр қилишимиз мумкин, бироқ 
улар билан мулоқотни кўпинча чеклаймиз. Ҳаммага позитив инсонлар билан вақтни ўтказиш 
ёқади! 
Юзма-юз мулоқотда илк таасурот биринчи 3-5 сония давомида пайдо бўлади. Кейинги 
10 сонияда у мустаҳкамланади ва ўзгармайди! Шу ўринда машҳур иборани келтиришни 
ўринли деб билдик: 
Илк таасурот уйғотиш учун бизда ҳеч қачон иккинчи имкон бўлмайди! 
Ёки бўлмаса: 
Илк 10 та сўз кейинги 100 тасидан кўп марта муҳим. 
Ёдда тутинг: қачондир ким биландир танишсангиз ва сизга бу одам ёқса, уни 
тинглашга сиз доим тайёр бўласиз. Агар бу инсон очиқ ахмоқона сўзларни гапирмаган бўлса, 
унда унинг сўзларига доим ишонч пайдо бўлган, ахир у яхши инсон. Натижада эса сиз унинг 
сўзлари ва фикрларини қабул қилдингиз ва унинг айтганларига қўшиласиз. 

---

Худди шундай савдода ҳам юз беради. Агар биз маъқул келсак, бизни тинглашади, 
бизга ишонишади ва маҳсулотимизни сотиб олишади! Бу универсал “харид шкаласи” ҳамма 
ерда: бизнес ва шахсий ҳаётда ишлайди: