Молиявий ҳисоботнинг концептуал асоси

Капитални сақлаб туриш билан боғлиқ бўлган тузатишлар
4.36 
Активлар ва мажбуриятларнинг қайта баҳоланиши ёки қайта ҳисобланиши капиталнинг ўсиши ёки 
камайишига олиб келади. Бундай кўпайиш ёки камайиш даромадлар ва харажатлар таърифига мос 
келса ҳам, улар капитални сақлаб туриш билан боғлиқ маълум концепцияларига мувофиқ фойда ва 
зарарлар тўғрисидаги ҳисоботга киритилмайди. Бунинг ўрнига ушбу моддалар капиталга капитални 
сақлаб туришга доир тузатишлар ёки қайта баҳолаш бўйича резервлар сифатида қиритилади. 
Капитални сақлаб туриш билан боғлиқ бўлган концепциялар мазкур Концептуал асоснинг 4.57–4.65 
бандларида ёритилган. 
Молиявий ҳисоботнинг элементларини тан олиш
4.37 
Тан олиш – бу элемент таърифига ҳамда 4.38 бандда белгиланган тан олиш мезонларига жавоб 
берадиган моддани бухгалтерия баланси ёки фойда ва зарарлар тўғрисидаги ҳисоботга киритиш 
жараёнидир. Бу эса, моддани сўзлар билан ва миқдорда тавсифланиши ва суммасини бухгалтерия 
баланси ёки фойда ва зарарлар тўғрисидаги ҳисоботнинг жами суммаларга киритилишини қамраб 
олади. Тан олиш мезонларига жавоб берадиган моддалар бухгалтерия баланси ёки фойда ва зарарлар 
тўғрисидаги ҳисоботда тан олиниши керак. Бундай моддалар тан олинмаслигини, қўлланилган ҳисоб 
сиёсатини очиб бериш ёки изоҳлар ва тушунтиришлар бериш билан тўлдириб бўлмайди. 
4.38 
Элемент таърифига тўғри келадиган модда қуйидаги шартлар бажарилганда тан олиниши керак:
(a) 
модда билан боғлиқ бўлган ҳар қандай келгуси иқтисодий наф тадбиркорлик субъектига 
келиб тушиши ёки ундан чиқиб кетиши эҳтимоли бўлса; ва 
(б) 
модда ишончли баҳоланиши мумкин бўлган таннарх ёки қийматга эга бўлса.
4
4.39 
Модда ушбу мезонларга жавоб бериши ва шунинг учун молиявий ҳисоботларда тан олиниши 
мумкинлигини баҳолашда 3 Боб “Фойдали молиявий ахборотнинг сифат хусусиятлари”да кўриб 
чиқилган муҳимлик жиҳатларига эътиборни қаратиш зарур. Элементлар ўртасидаги ўзаро алоқа 
маълум элементнинг, масалан, активнинг таърифи ва тан олиш мезонларига жавоб берадиган модда 
ўз-ўзидан бошқа элемент, масалан, даромад ёки мажбуриятни тан олиш талаб этилишини англатади.