Ҳозирги замон араб мамлакатларида сўзлашув ҳолати ва таълим тизими Таянч иборалар

Кувайт давлати. Арабистон ярим оролининг шимоли-шарқий қисми ва Форс кўрфази соҳилида жойлашган. Қувайт атрофидаги ўнга яқин кичик ороллар ҳам унга тегишли. Мамлакат аҳолисининг 85 фоизи ислом динига эътиқод қилади. Давлат тили араб тили, иккинчи тил эса инглиз тили ҳисобланади. Қувайтдаги тил муаммолари, баъзи бир тари­хий маълумот­ларга кўра, Қувайт аҳоли­си­нинг табиий ўсиши туфайли эмас, балки дунёнинг барча ерларидан кўчиб келган халқлар, яъни Осиё мамлакатларидан чиққан ҳиндулар, покистонликлар ва эронликлар каби халқлар тили ҳисобига пайдо бўлган. Мамлакат аҳолисининг 35 фоизи араблар, қолгани эса чет эллик эмигрантлар. Мамлакатда араб тили ав­ва­ламбор адабий, ёзма ва оғзаки сўзлашув тили ҳисобланган ўзаро сўзлашув тили сифатида Қувайт тили ҳам қўлланилади. Адабий тил барча йўналишлардаги сўзлашувларда кенг тарқалган – маъмурий бошқарувда, оммавий ахборотда, жамоа сиёсий фаолиятида, таълим ти­зимида, бадиий адабиётда, диний масалаларда ушбу тилдан фойдала­нилади. Ўзаро оилавий, маиший муносабатларда кўпинча маҳаллий шевалар ва лексик, фонетик, грамматик жиҳатдан Ироқ давлатидаги Басра ва Ироқнинг жанубий районларидаги аҳоли тилига яқин бўлган қувайтча кундалик сўзлашувлар қўлланилади. Халқаро сўзлашув тиллар орасидаги содир бўлган боғланишларни бирдек деб бўлмайди. Бу хил муносабатларни қай даражада ва қай аҳволдалигига қараб баҳолаб бўлмайди. Тил жиҳатдан ҳар хил боғланишлар асосан мамлакатдаги маҳаллий аҳолининг тарихий жиҳатларига боғлиқ равишда аниқланади. Бунда иммиграция туфайли қўшилган аҳолининг маҳаллий аҳоли сонидан кўплиги асосий ўринни эгаллайди.
Маориф. 1936 йилги маълумотга қараганда, Қувайтда бор-йўғи иккита мактаб бўлган эса, ҳозирги кунга келиб мактаблар сони мингдан ошиб кетди. Қувайт фуқароларининг фарзандлари мактаб ёшидан университетгача бепул тақсил оладилар. Мактаб таълими мажбурий ҳисобланади. Таълим тизимига боғча (2 йил), бошланғич мактаб (4 йил), тўлиқсиз ўрта мактаб (4 йил), тўлиқ ўрта мактаб киради. Тўлиқ ўрта мактаб қаторида мамлакатда кўплаб диний, педагогик, тиббиёт ва хусусий коллежлар бор. Болалар ва қизлар алоҳида ўқитилади. Қувайт эндигина мустақилликки эришган пайтда аҳолининг оз қисми саводли эди, ҳозирда эса 80 фоиз аҳоли ёзиш ва ўқишни билади. 1966 йил Қувайтда университет очилган. Кейинчалик у форс кўрфазидаги энг катта университетга айланди. Кувайт талабалари Миср, Сурия, Иордания, Буюк Британияда ўқишади.