Ҳозирги замон араб мамлакатларида сўзлашув ҳолати ва таълим тизими Таянч иборалар

Тунис республикаси. Тунис энциклопедик жиҳатдан бир хил миллатли давлат ҳисобланади. Тунисда араб тили давлат тили ҳисоб­ланади. Мамлакат ҳаётида бутун ҳудудга тарқалиши билан аҳамияти катта. Аҳолининг 95% шу тилда гаплашади. Араб тили адабий ва оғзаки ўзаро сўзлашув учун китоб шаклида келтирилади. Шаҳар ва қишлоқ аҳолилари ўз шеваларида гаплашишса-да, бир-бирларини яхши тушуна­дилар ва бир миллатнинг одамлари деб тан оладилар. Тунисдаги ўзаро мулоқот тили маъносиз ҳисобланмайди. Халқ оғзаки ижоди намуналари ва адабий асарларни ёзишда ёзиш учун қўлланиладиган махсус араб графикасидан фойдаланилади. Маҳаллий сўзлашув тили фонетик, морфологик ва лексик жиҳатидан уч гуруҳга бўлинган:
Шаҳарда сўзлашув асосан марказ аҳолиси сўзлашувида талқин этилади.
Қишлоқча сўзлашув шарқий қирғоқлар томонда тарқалган.
Қолган барча ҳудудларда бадавий сўзлашуви мавжуд.
Маълумки, Тунис тили бир неча бор ўзгаришларни ўз бошидан кечирган. Тунис тили ўз тарихига эгадир, яъни филиппинча, лотин­ча, барбарча кейинчалик туркча ва французча арабчага қоришиб кет­ган. Араб тили барбар тили билан аралашиб кетиб, турк ва француз тилларига нисбатан ўз ўрнида айрим қисмини йўқотиб борган. 1960 йилларга нисбатан жамоатчиликда, маъмурий бошқарув идораларида, таълим муассасаларида араб тили секин-аста француз тилини сиқиб чиқармоқда. Бироқ адабий араб тилининг таълим тизимида кенг тадбиқ этилишини таъминлаш учун кўп йиллар керак бўлади.
Маорифи, илмий ва маданий-маърифий муассасалари. Таъ­лим тизими французча услубда ташкил этилган. Кейинги йиллар­да уни араблаштиришга ҳаракат қилина бошланди. Бошланғич мактаб 6 йил­лик (6-12 ёшли болалар учун мажбурий), умумий ўрта таъ­лим мактаби 7 йиллик бўлиб, у 3 йиллик қуйи ва 4 йиллик юқори ўрта таълимдан иборат. Бошланғич мактаб негизида 4 йиллик ҳунар-техника таълими ташкил этилган. Мамлакатда 50 га яқин факультет ва олий ўқув юрт­лари мавжуд бўлиб, уларнинг энг йириклари пойтахтдаги Тунис уни­вер­ситети (1960), Миллий маъмурий мактаб (1949), Миллий мусиқа, рақс ва халқ санъати консерваторияси, Санъат, меъморчилик ва шаҳарсозлик техника институти, Миллий агрономия институтидир.