Ҳозирги замон араб мамлакатларида сўзлашув ҳолати ва таълим тизими Таянч иборалар

Фуад Ниъма
Фуад Ниъма моҳир ёзувчи ҳамда Араб олами таржимачи­лиги­нинг илғор намояндаларидан биридир. У 1925 йил 8 октябрда Қоҳирада туғилган. 1958 йилда Қоҳира университетининг ҳуқуқ фа­куль­тетига ўқишга кирди. Фуад Ниъма бир муддат “Миср халқ бан­ки”да касаба уюшмаси мудири лавозимида ишлади. У тил қоидалари бўйича икки тўплам тузган.
“Араб тили қоидалари” "القواعد العربية"
“Инглиз тили қоидалари” " القواعد الانجليزية "
Саудия подшоҳлиги ва бошқа араб малакатларидаги араб тили қоидаларини ўргатувчи ўқитувчи-олимлар Фуад Ниъманинг тил борасидаги қўлланмалари асосида дарс берадилар.
У араб тилшунослиги ривожига улкан ҳисса қўшган олимдир.
Муҳаммад Саййид Тантовий
Муҳаммад Саййид Тантовий 1928 йил 28 октябрда Мисрдаги Танто шаҳарчасининг Сулайм аш-Шар­қийя қишлоғида таваллуд топ­ди. У дастлабки билимни ўз қишло­ғи­даги олимлардан олиб, ёш олим сифатида қишлоқ одамлари орасида танила бошлади. У ёшлигиданоқ Қуръони каримни ёд олди.
У 1944 йил Искандариядаги динларни ўрганиш институтига ўқишга кирди. У олий даргоҳни битиргач, илмий фаолиятини бош­лади ва олимлар орасида ҳурмат топа бошлади.
1968 йил 28 октябрда Миср Араб Республикасининг Бош муфтийси этиб тайинланди. Бу соҳада 10 йилдан ошиқ фаолият олиб борди. 1996 йил 27 март куни мамлакат Президенти Муҳаммад Ҳусни Муборак томонидан ал-Азҳар масжидининг Бош имом хатиби ва ал-Азҳар университетининг Бош шайхи (ректори) лавозимига тайинланди.
Муҳаммад Саййид Тантовийнинг қуйидаги асарлари мамлакат ва жаҳон миқёсида кенг тарқалган.
التفسير الوسيط “Ат-Тафсир ал-Васит” - 15 жилд,
القصة في القرآن الكريم “Ал-Қисса фи ал-Қуръон ал-Карим” - 2 жилд,
أدب الحوار في الاسلام “Адаб ал-Ҳивар фи ал-Ислом”,
معاملات البنوك و احكامها الشرعية“Муомалат ал-Бунук ва аҳкамуҳа аш-Шаръийя”,
أحكام الحج و العمرة “Аҳкам ал-Ҳаж ва ал-Умра”,
أحكام الصيام “Аҳкам ас-Сиям”,
ألمرأة في الاسلام “Ал-Маръа фи ал-Ислам” кабилар.
Амалий машғулот саволлари:
Араб тилининг истеъмолда мавжуд бўлган турлари.
Ёзма классик адабий тил илк адабиёт тилидир.
Кундалик сўзлашув тили зиёлилар тилидир.
Немис олими И.Фюк тадқиқотлари.
Араблаштиришнинг асосий вазифалари.
Араб тилшунослигининг муаммолари.
Миср Араб Республикасида тил ҳолати.
Ал-Азҳар мажмуаси.
Тунис, Кувайт, Жазоир, Саудия Арабистонида сўзлашув ҳола­ти ва таълим.
Йирик араб олимлари ҳаётидан лавҳалар.