O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Mustahkamlash darsi tafsilotlarini yoritish tartibi:
Mustahkamlash darsining tarkibiy tuzilmasi quyidagi bosqichlardan iborat bо‘lishi mumkin.

1. 
   Nazariy materialni yodga olish: oldingi darsda о‘rganilgan nazariy material qisqacha takrorlanadi, savol-jabob va uyga berilgan vazifalarni tahlil qilish orqali esga olinadi.
   
2. 
   Birlamchi mustahkamlash: tashqi nutqda bilimlarni boshlang‘ich mustahkamlash.
   
3. 
   Ikkilamchi mustahkamlash: mustaqil ish (о‘z faoliyatini tekshirish va baholash bilan) ichki nutqda bilimlarni mustahkamlash.
   
4. 
   Darsga yakun yasash va uyga vazifa berish.
   

Umumlashtirish darsi tafsilotlarini yoritish tartibi:
Umumlashtirish darsining tarkibiy tuzilmasi quyidagi bosqichlardan iborat bо‘lishi mumkin.

1. 
   Nazariy materialni yodga olish: oldingi darsda о‘rganilgan nazariy material qisqacha takrorlanadi, savol-jabob va uyga berilgan vazifalarni tahlil qilish orqali esga olinadi;
   
2. 
   Umumlashtirish: yangi bilimlarni takrorlash orqali orttirilgan bilimlar tizimiga kiritish, umumlashtirish;
   
3. 
   Darsga yakun yasash va uyga vazifa berish.
   

Rivojlantiruvchi nazorat darsi tafsilotlarini yoritish tartibi:
Rivojlantiruvchi nazorat darsining tarkibiy tuzilmasi quyidagi bosqichlardan iborat bо‘lishi mumkin.

1. 
   Yо‘l-yо‘riq berish: bu bosqichda о‘tkazilayotgan nazorat ishi topshiriqlarini bajarishga oid kо‘rsatmalar beriladi;
   
2. 
   Nazorat ishini bajarish: bu bosqichda о‘quvchilarning topshiriqlarni qanday bajarayotgani kuzatiladi. Kezi kelganda u yoki bu topshiriqni bajarish bо‘yicha yо‘nalish berish maqsadga muvofiq bо‘ladi.
   
3. 
   Nazorat ishi tahlili: bu bosqich ham yangi mavzuni о‘zlashtirishning davomi bо‘lib, uni о‘tkazish majburiy hisoblanadi. Chunki, nazorat ishi darsida о‘quvchilar har qachongidan ham faolroq bо‘ladilar. Ularni diqqatini jamlashga ham hojat qolmaydi. Ularni topshiriqlarni tо‘g‘ri yoki notо‘g‘ri bajarganliklarini bilishni xohlaydilar. Bunday holatdan albatta foydalanish kerak. Odatda u alohida darsdan iborat bо‘lib, unda nazorat ishiga kiritilgan topshiriqlar yechimi tahlil qilinadi, xatolar ustida ishlanadi, tipik masalalar о‘quvchilar tomonidan doskada yechiladi. Masalalarning atroflicha tahlil qilinishiga e’tibor berish kerak, chunki о‘quvchilar oldingi darslar davomida tushunmagan narsalarini shu darsda bilib olishlari ham mumkin. Shu bois, bu dars nazorat darsi deb atalsada, unda ham о‘quvchilar о‘zlashtira olmagan bilimlarni о‘rganadilar, tо‘ldiradilar va о‘z bilimlarini rivojlantiradilar.