O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Darsning texnologik xaritasi. O‘qitish jarayonida qо‘yilgan maqsad bо‘yicha kafolatlangan natijaga erishishda qо‘llaniladigan har bir ta’lim texnologiyasi о‘qituvchi va о‘quvchi о‘rtasida hamkorlik faoliyatini tashkil eta olsa, ularning har ikkalasi ham ijobiy natijaga erisha olsa, о‘quv jarayonida о‘quvchilar mustaqil fikrlay olsalar, ijodiy ishlay olsalar, izlansalar, tahlil eta olsalar, о‘zlari xulosa chiqara olsalar, о‘zlariga, guruhga, guruh esa ularga baho bera olsa, о‘qituvchi esa ularning bunday faoliyatlari uchun imkoniyat va sharoit yarata olsagina samara berishi mumkin.
O‘qituvchi va о‘quvchining hamkorlikdagi maqsaddan natijaga erishish uchun qanday texnologiyani tanlashlari ularning ixtiyorida, chunki har ikkala tomonning asosiy maqsadi aniq, ya’ni natijaga erishishga qaratilgan. Bunda о‘quvchilarning bilim saviyasi, guruh xarakteri, sharoitga qarab ishlatiladigan texnologiya tanlanadi.
O‘qituvchi tomonidan har bir darsni yaxlit holatda kо‘ra bilish va uni tasavvur etish uchun bо‘lajak dars jarayonini loyihalashtirib olish kerak. Bunda о‘qituvchi tomonidan bо‘lajak darsning texnologik xaritasini tuzib olish katta ahamiyatga egadir. Chunki darsning texnologik xaritasi har bir mavzu, har bir dars uchun о‘qitilayotgan fanning xususiyatidan, о‘quvchilarning imkoniyati va ehtiyojidan kelib chiqqan holda tuziladi.
Qо‘yilgan maqsadni amalga oshirish va kafolatlangan natijaga erishish о‘qituvchi va о‘quvchining hamkorlikdagi faoliyati hamda ular qо‘ygan maqsad, tanlangan mazmun, metod, shakl, vositaga, ya’ni texnologiyaga bog‘liq. Shundan kelib chiqib, dars ishlanmasining oxirgi qismi – “Dars borishining qisqacha tafsilotlari”ni quyidagi jadval kо‘rinishida berilgan texnologik xarita kо‘rinishida yozish tavsiya qilinadi.

Dars bosqichlari