O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Vaqt, minut	O‘qituvchi faoliyati	O‘quvchilar faoliyati	Ta’lim metodlari
O‘quv-uslubiy ta’minot

Bunday texnologik xaritani tuzish oson emas, chunki buning uchun о‘qituvchi pedagogika, psixologiya, xususiy metodika, pedagogik va axborot texnologiyalaridan xabardor bо‘lishi, shuningdek, juda kо‘p metodlar va usullarni bilishi kerak bо‘ladi. Har bir darsning rang-barang, qiziqarli bо‘lishi avvaldan puxta о‘ylab tuzilgan darsning loyihalashtirilgan texnologik xaritasiga bog‘liq.
Darsning texnologik xaritasini qay kо‘rinishda yoki shaklda tuzish, bu о‘qituvchining tajribasi, qо‘ygan maqsadi va ixtiyoriga bog‘liq. Texnologik xarita qanday tuzilgan bо‘lmasin, unda dars jarayoni yaxlit holda aks etgan bо‘lishi hamda aniq belgilangan maqsad, vazifa va kafolatlangan natija, dars jarayonini tashkil etishning texnologiyasi tо‘liq о‘z ifodasini topgan bо‘lishi kerak.
O‘qituvchi tomonidan har bir mavzu, har bir dars bо‘yicha tuzilgan yuqoridagi kabi texnologik xarita unga о‘z fani, predmetini yaxlit holda tasavvur etib yondoshishga, tushunishga (bir chorak, bir о‘quv yili bо‘yicha), yaxlit о‘quv jarayonining boshlanishi, maqsadidan tortib, erishilgan natijasigacha kо‘ra olishga yordam beradi. Ayniqsa, texnologik xaritani о‘quvchining imkoniyati, ehtiyojidan kelib chiqqan holda tuzilishi, uni shaxs sifatida ta’limning markaziga olib chiqishga olib keladi. Bu esa о‘qitishning samaradorligini oshirishga imkoniyat yaratadi.
Dars maqsadi va natijalarining о‘zaro mutanosibligini ta’minlash
Ma’lumki, DTS talablari umumiy tarzda ifodalangan bо‘lib, har bir bilim va kо‘nikmalar haqidagi talablar avvaliga sinflar, sо‘ng boblar, sо‘ng mavzular va nihoyat mavzuga ajratilgan dars soatlari kesimida aniqlashtirib boriladi. Shunday qilib, har bir darsda bir DTS ning qaysidir bilim, kо‘nikma, malaka va kompetensiyalarga qо‘yilgan talablarni о‘quvchilarda shakllantirish bilan shug‘ullanamiz. Shu jihatdan, har bir darsning ta’limiy maqsadlarini DTS talablarining kichik bir uchquni desak bо‘ladi. Shunday ekan, birinchidan dars maqsadlari aniq qо‘yilishi va ikkinchidan darsning natijalari nazorat qilib borilishi lozim. Boshqacha qilib aytadigan bо‘lsak, dars oxirida dars maqsadida keltirilgan har bir bilim, kо‘nikma, malaka va kompetensiyalarning shakllantirilganligi tekshirilishi va nazorat qilib borilishi lozim. Shu nuqtai nazardan, dars maqsadi va uning natijalari bir-biriga uyg‘un tarzda ifodalanishi lozim.
Bu о‘rinda darsning darsga yakun yasash bosqichida beriladigan savollar, kichik topshiriqlar, mustaqil ish masala-misollari hamda uyga berilgan vazifalar shunday tuzilishi kerak-ki, ular dars maqsadida belgilangan bilim va kо‘nikmalarning shakllangan yoki shakllanmaganini aniqlab bersin.
Zamonaviy pedagogikada inson о‘z faoliyati, xatti-harakati va ularning natijalarini tahlil qilishiga (о‘zini-о‘zi baholashiga) refleksiya deb ataladi. Refleksiya о‘quvchilarga о‘z о‘quv faoliyatlari va ularning natijalarini baholashlariga yordam beradi. Shuningdek, keyingi о‘quv faoliyati maqsadini belgilashiga va ularga tuzatishlar kiritishiga zamin yaratadi. Shu jihatdan undan aynan dars natijalarini baholashda foydalanish mumkin bо‘ladi.