O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Dars ishlanmasi (reja-konspekt) - о‘qituvchi uchun tuzish majburiy bо‘lgan hujjatdir. Dars ishlanmasi – о‘qituvchi ijodkorligini aniqlovchi omil. Dars rejasi - darsni pedagogik, didaktik va uslubiy jihatdan rejalashtiruvchi, loyihalashtiruvchi hujjat. U shunchaki rahbariyatga kо‘rsatish uchun tuzilmaydi. Uni tuzishdan kо‘zlangan asosiy maqsad - о‘qituvchining bir soatlik darsdagi faoliyatini rejalashtirish, dars mazmunini boyitish, ta’lim samaradorligini oshirishdan iborat. Dars ishlanmasa о‘qituvchining ijodiy mehnati mahsuli bо‘lib, uning bilimi va mahoratini kо‘rsatuvchi oynadir. Shu bois, uni tuzishda shoshma-shosharlikka yо‘l qо‘ymaslik kerak. Bir marta maromiga yetkazib tuzilgan dars ishlanmasi о‘qituvchi uchun uzoq yillar davomida xizmat qilishi mumkin. Bundan dars ishlanmasi - qotib qolgan dogma, degan xulosa kelib chiqmasligi kerak. Dars ishlanmasini yildan-yilga takomillashtirib va mukammallashtirib borish, yangi dars uslublarini qо‘llash, yangi materiallarni kiritish bilan yangilanib turilishi lozim.
Yangi davlat ta’lim standartlari va о‘quv dasturlarini joriy etilishi va ta’lim jarayoniga yangi pedagogik texnologiyalarning, kompyuter, yangi axborot texnologiyalari va texnik vositalarning qо‘llanishi bilan dars ishlanmalariga qо‘yilgan talablar ham о‘zgarib bormoqda. Dars ishlanmalari uchun tayyor qoliplar yо‘q. Chunki jonli dars jarayonini hyech qanaqa qolipga solib bо‘lmaydi. U turli xil sharoitlarda turlicha tuzilishi mumkin. Dars ishlanmasi (konspekt) darsdan oldin hamma о‘qituvchida bо‘lishi shart. Lekin, dars ishlanmasi qanday mazmunda, hajmda va necha varaqdan iborat bо‘lishi о‘qituvchining dars о‘tishdagi о‘ziga xos yondashuvidan kelib chiqqani ma’qul. Bunda hamma о‘qituvchi uchun bir xil chegara, cheklov о‘rnatib bо‘lmaydi. Dars ishlanmasi qо‘lyozma shaklida yoki kompyuterda yozilishi mumkin.
Dars ishlanmasini tayyorlashda о‘qituvchi darsning har bir bosqichini e’tiborga olishi maqsadga muvofiq.
Dars ishlanmasining tuzilmasi quyidagi bosqichlardan iborat bо‘lishi mumkin:
Sana: sinf: fan:

1. 
   Dars mavzusi;
   
2. 
   Dars maqsadlari;
   
3. 
   Dars turi;
   
4. 
   Dars metodlari;
   
5. 
   Darsda foydalaniladigan ma’lumot manbalari, о‘quv uslubiy adabiyotlar va elektron resurslar;
   
6. 
   Darsda ishlatiladigan zarur texnik vositalar va jihozlar;
   
7. 
   Dars bosqichlari va vaqt taqsimoti;
   
8. 
   Dars borishining qisqacha tafsiloti.
   

Dars ishlanmasi bosqichlarining qisqacha tavsifi