O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

Darsni yakunlash, xulosalash (refleksiya) va uyga vazifa berish. Har bir dars undan xulosa chiqarish va о‘quvchilarga uyda bajarish uchun topshiriq berish bilan yakunlanadi. Darsning bu qismiga 4-6 minut vaqt ajratish tavsiya etiladi.
Maktabda matematika ta’limi maqsadlari о‘quvchilarda boshlang‘ich maktab va yuqori sinflar bilan uzviylik aloqalarini saqlagan holda asosiy matematik tushunchalar tizimini modellashtirishni kо‘zda tutadi. Har sohada jadallashib borayotgan о‘zgarishlar ta’im tizimi oldiga faqatgina matematik bilimlarni о‘rgatishni emas balki, о‘quvchilarda bu bilimlarni mustaqil о‘rganish kо‘nikmalarini rivojlantirishni dolzarb vazifa qilib qо‘ymoqda.
Shunga kо‘ra, matematika fani bо‘yicha olib borilayotgan darslar an’anaviy darslar bilan bir qatorda zamonaviy ta’lim texnologiyalariga asoslangan, о‘quvchilarning kо‘proq о‘zlarini mustaqil izlanishga, faoliyatga chorlaydigan uslublardan foydalanishni taqozo etmoqda. Bu holat kо‘pgina rivojlangan davlatlar pedagogika jamiyatlari va olimlari tomonidan qayd qilib, ta’lim tizimiga zamonaviy ta’lim texnologiyalari qо‘llanila boshlandi. Shunday uslublardan biri о‘quvchilarni mustaqil faoliyatga chorlaydigan texnologiya asosida ishlab chiqilgan.
Yangi mavzuni о‘rganishga oid interaktiv faoliyat darsining tarkibiy tuzilmasi quyidagi bosqichlardan iborat bо‘lishi mumkin:
I.Motivasiya: ta’lim olishga undov, о‘quvchilarni yangi mavzuga qiziqtirish, mavzuni dolzarblashtirish, mavzuga oid muammoni vaziyatni keltirib chiqarish; II.Yangi mavzuni yoritish.
III.Birlamchi mustahkamlash: tashqi nutqda bilimlarni boshlang‘ich mustahkamlash.
IV.Ikkilamchi mustahkamlash: mustaqil ish (о‘z faoliyatini tekshirish va baholash bilan) ichki nutqda bilimlarni mustahkamlash.
V.Umumlashtirish: yangi bilimlarni takrorlash orqali orttirilgan bilimlar tizimiga kiritish, umumlashtirish.
VI.Darsga yakun yasash (refleksiya) va uyga vazifa berish.
Eslatma: Har bir darsning tashkiliy qismi ham bо‘lib, unga kо‘ra dars boshlanishidan oldin kerakli jihozlar va kо‘rgazmali qurollar hamda tarqatma materiallar hozirlab qо‘yiladi. Salomlashiladi, davomat tekshiriladi. (Bu qism odatda bir xil tarzda olib borilgani sababli uni tavsiflab о‘tirmaymiz).
Motivasiya – bosqichining maqsadi о‘quvchilarni ongli ravishda darsdan ta’lim jarayoniga olib kirish, darsning maqsadi va mazmunining asosiy yо‘nalishlari bilan tanishtirishdan iborat. Dars mavzusini dolzarblashtirish orqali о‘quvchilarni yangi mavzuga tayyorlash yangi mavzuni о‘zlashtirish uchun lozim bо‘ladigan bilimlar bazasini tekshirish, о‘quvchilar bilimidagi kamchiliklarni aniqlash. Yangi mavzuga oid muommoli vaziyatni keltirib chiqarish uchun dars mavzusi va uning maqsadi aytiladi. O‘quvchilar e’tibori turli kо‘rgazmali vositalar, sxemalar yordamida ham og‘zaki (verbal) ham kо‘rgazmali (vizual) qilib yangi mavzuning xarakterli qirralari, mavzuga doir hayotiy masala muammo sifatida о‘quvchilar e’tibori qaratiladi. Bu bosqichda aqliy hujum metodidan foydalanib о‘quvchilar muloqotga chorlash mumkin.