O‘zbekiston respublikasi xalq ta’limi vazirligi jizzax viloyat xalq ta’limi xodimlarini qayta tayyorlash va ularning malakasini oshirish hududiy markazi

«Komandada о‘qitish» metodi
Komandada о‘qitishda о‘quvchilar teng sonli ikkita komandaga ajratiladi. Har ikkala komanda bir xil topshiriqni bajaradi. Komanda a’zolari о‘quv topshiriqlarini hamkorlikda bajarib, har bir о‘quvchi mavzudan kо‘zda tutilgan bilim, kо‘nikma va malakalarni о‘zlashtirishga e’tiborni qaratadi. Hamkorlikda о‘qitish texnologiyasi mualliflaridan biri bо‘lgan R.Slavinning ta’kidlashicha, о‘quvchilarga topshiriqlarni hamkorlikda bajarish uchun kо‘rsatma berilishi yetarli emas. O‘quvchilar о‘rtasida tom ma’nodagi hamkorlik har bir о‘quvchining qо‘lga kiritgan muvaffaqiyatidan quvonish, bir-biriga sidqidildan yordam berish hissi, qulay ijtimoiy-psixologik muhit vujudga kelishi zarur. Mazkur texnologiyada о‘quvchilarning bilimlarni о‘zlashtirish sifatini aniqlashda ularni bir-biri bilan emas, balki har bir о‘quvchining kundalik natijasi avval qо‘lga kiritilgan natija bilan taqqoslanadi. SHundagina о‘quvchilar о‘zining dars davomida erishgan natijasi komandaga foyda keltirishni anglagan holda mas’uliyatni his qilib, kо‘proq izlanishga, bilim, kо‘nikma va malakalarni puxta о‘zlashtirishga intiladi.
Kichik guruhlarda hamkorlikda о‘qitish
Bu yondoshuvda kichik guruhlar 4 ta о‘quvchidan tashkil topadi. O‘qituvchi avval mavzuni tushuntiradi, sо‘ngra о‘quvchilarning mustaqil ishlari tashkil etiladi. O‘quvchilarga berilgan о‘quv topshiriqlari 4 qismga ajratilib, har bir о‘quvchi topshiriqning ma’lum qismini bajaradi. Topshiriq yakunida har bir о‘quvchi о‘zi bajargan qism yuzasidan fikr yuritib, о‘rtoqlarini о‘qitadi, sо‘ngra guruh a’zolari tomonidan topshiriq yuzasidan umumiy xulosa chiqariladi. O‘qituvchi har bir kichik guruh axborotini tinglaydi va test savollari yordamida bilimlarni nazorat qilib baholaydi.
O‘quvchilarning kichik guruhlardagi о‘quv faoliyati о‘yin (turnir, musobaqa) shaklida, individual tarzda ham tashkil etilishi mumkin.
Kichik guruhlarda ijodiy izlanishni tashkil etish metodi
Kichik guruhlarda ijodiy izlanishni tashkil etish metodi 1976 yili Tel-Aviv universiteti professori SH.SHaran tomonidan ishlab chiqilgan. Bu metodda kо‘proq о‘quvchilarning mustaqil va ijodiy ishiga e’tibor qaratiladi.
O‘quvchilar alohida-alohida yoki 6 kishilik kichik guruhlarda ijodiy izlanish olib boradilar. Ijodiy izlanish kichik guruhlarda tashkil etilganda darsda о‘rganish lozim bо‘lgan о‘quv materiali kichik qismlarga ajratiladi. Keyin bu qismlar yuzasidan topshiriqlar har bir о‘quvchiga taqsimlanadi. SHunday qilib, har bir о‘quvchi umumiy topshiriqning bajarilishiga о‘z xissasini qо‘shadi. Kichik guruhlarda topshiriq yuzasidan munozara о‘tkaziladi. Guruh a’zolari birgalikda ma’ruza tayyorlaydi va sinf о‘quvchilari о‘rtasida о‘z ijodiy izlanishlari natijasini e’lon qiladi. Kichik guruhlar о‘rtasida о‘tkazilgan о‘quv bahsi, munozara о‘quvchilar jamoasining hamkorlikda bajargan mustaqil faoliyatining natijasi, yakuni sanaladi. Hamkorlikda ishlash natijasida qо‘lga kiritilgan muvaffaqiyatlar sinf jamoasining har bir о‘quvchining muntazam va faol aqliy mehnat qilishiga, kichik guruhlarni, umuman sinf jamoasini jipslashtirishga, avval о‘zlashtirilgan bilim, kо‘nikma va malakalarni yangi kutilmagan vaziyatlarda qо‘llanib, yangi bilimlarning о‘zlashtirishiga bog‘liq bо‘ladi.