O‘zbekiston respublikasi oliy va

Takrorlash uchun savollar: 
 
1. Meva-urug‘ ziravorlarning sifat ekspertizasini o‘tkazish qoidasi va qo‘llanilish 
sohasini tushuntirib bering. 
2. Barg ziravorlarning sifat ekspertizasini o‘tkazish qoidasi va qo‘llanilish sohasini 
tushuntirib bering. 
3. Ildiz ziravorlarning sifat ekspertizasini o‘tkazish qoidasi va qo‘llanilish sohasini 
tushuntirib bering. 
4. Za’faron tarkibida yoqimli achchiq ta’m beruvchi qaysi moda hisoblanadi? 
 
Ovqatga ishlatiladigan kislotalar, osh tuzi, natriy glyutamati tavsifi va sifat 
ekspertizasi 
 
Ovqatga  ishlatiladigan  kislotalar.  Oziq-ovqat  sanoatida  va  oshpazlikda 
asosan sirka va limon kislotalari ishlatiladi. 
 
Sirka kislotasi. Bu kislota vinoni, pivoni bijg‘itib sirkaga aylantirish yo‘li bilan 

---

 
84 
olinadi.  Qanday  xom  ashyodan  tayyorlanganligiga  qarab  vino  sirkasi,  meva-rezavor 
meva sirkasi va pivo sirkasi bo‘ladi. 
 
Sirka kislotasi sotuvga oshxona sirkasi va sirka essensiyasi holida chiqariladi. 
 
Oshxona  sirkasi  sirka  kislotasini  suvda  eritish  yo‘li  bilan  olinadi.  Oshxona 
sirkasi  ovqatlarga  qo‘shib  iste’mol  qilinadi  va  uning  asosiy  vazifasi  ishtahani 
ochishdan  iboratdir.  Oshxona  sirkasi  tarkibida  sirka  kislotasining  miqdori  3-9%  ni 
tashkil etadi. 
 
YAxshi  sifatli  oshxona  sirkasi  tiniq,  rangsiz,  quyqasiz  va  cho‘kindisiz,  ta’mi 
nordon, hidi o‘ziga xos, begona ta’mlarsiz va hidlarsiz bo‘lishi kerak. 
 
Xushbo‘y  o‘tlar  damlamasiga  aralashtirilib  tarkibida  5-6%  sirka  kislotasi  bor 
xushbo‘y sirka ham ishlab chiqariladi. 
 
Sirka essensiyasi sirka kislotasining suvli eritmasi bo‘lib, uning tarkibida sirka 
kislotasining  miqdori  70-80%  ni  tashkil  etadi.  Sirka  essensiyasi  suv  qo‘shib 
konsentratsiyasi 5-6% ga keltirilgandan keyingina iste’mol yaroqli hisoblanadi. 
 
Limon  kislotasi.  Bu  kislota  rangsiz  kristallar  holatida  bo‘lib,  uning  tarkibida 
limon kislotasining miqdori 99,5% ni tashkil etadi. Limon kislotasi oq rangli, quruq, 
sochiluvchan konsistensiyaga ega. Rangsiz kristallar suvda oson eriydi, eritmasi tiniq, 
ta’mi  nordon  bo‘ladi.  Limon  kislotasi  qandolatchilikda,  liker-araq  mahsulotlari, 
spirtsiz  ichimliklar  olishda  ishlatiladi.  Uy  sharoitida  esa  bu  kislotani  sirka  o‘rniga 
ishlatish maqsadga muvofiqdir.