O‘zbekiston respublikasi oliy va o’rta maxsus ta’limi vazirligi

Nazorat savollari

1. 
   Iqtisodiy informatika nimani o’rganadi?
   
2. 
   Iqtisodiy informatsiyaning turlari deganda nimani tushinasiz?
   
3. 
   Informatsiyani tartiblash deganda nimani tushinasiz?
   

26 – mavzu: Iqtisodiy axborotlarning klassifikatsiyasi, kodlash va qayta ishlash texnologiyalari
Reja:

1. 
   Iqtisodiy axborotlarning klassifikatsiyasi:
   
2. 
   Iqtisodiy axborotlarni kodlash;
   
3. 
   Iqtisodiy axborotlarni qayta ishlash;
   
4. 
   Teskari aloqa tushunchasi;
   

Tayanch tuchinchalar: tartibli, takrorlash, seriyali, razryadli va aralash sistemalar, suhbatli, paketli, to’g’ri va teskari aloqa, klassifikator, kod, informatsiya tizimlari.
Faraz qilamizki, biror bir korxonada axborot texnologiyasi joriy qilindi va undagi xujjatlar, tovarlar va xizmatlarning, mashina va mexanizmlarning, xilma-xil ma’lumotlarning barchasini kompyuterga kiritish zaruriyati tug’ildi. Lekin ularni nomma-nom kiritish va mashina xotirasida saqlash juda ko’p mehnat va vaqt talab qiladi. Qanday qilib bu ishni osonlashtirish mumkin? Bu masalani xal qilish uchun nimalar qilish mumkin? Iqtisodiy axborotlarni mashinada qayta ishlashni tashkil qilish iqtisodiy axborot elementlarini tasniflash va kodlashtirishni talab qiladi. Tasniflash iqtisodiy ma’lumotlarni mashinada qayta ishlashga dastlabki tayyorlashning zarur bosqichi hamda axborotlar fondini ratsional tashkil qilishning zaminidir.
"Iqtisodiy axborotlar tasnifi" deb, ularning beriladigan ketma-ketlikda tartib bilan joylashadigan axborot birliklariga aytiladi. Bunday birliklar sifatida rekvizit va ko’rsatkichlar olinishi mumkin.
Har qanday tasnifni bajarish uchun bir-biriga bog’liq ko’pgina ob’ektlarni va ularni tavsiflovchi xususiyatlarning bo’lishi shart bo’lib, bu xususiyatlar guruhlarga ajratishda tasnif belgilari to’plami bo’lib hisoblanadi. Tasnif belgilarini va sistemalarini tanlash tasnif va tasniflash maqsadiga bog’liq.