O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti q. X. Abdurahmonov, sh. R. Xolmo‘minov

 
 

---

77 
IV BOB. PERSONALNI REJALASHTIRISH 
 
4.1. Personalni rejalashtirish: mohiyat, maqsad va vazifalar 
 
Personalni rejalashtirish 
– personalni rivojlantirish, uning 
kasbiy va malaka tarkibini hisobga olish, personalga umumiy va 
qo‘shimcha ehtiyojni aniqlash, xodimlardan foydalanishni nazorat 
qilishga qaratilgan aniq maqsadga yo‘naltirilgan faoliyatdir. 
Personalni rejalashtirishning asosiy afzalliklari quyidagilarda 
namoyon bo‘ladi: 
–
xo‘jalik faoliyati strategiyasiga taalluqli kadrlar masalalari va 
ehtiyoji (tashqi va ichki)ni aniqlash; 
–
xo‘jalik faoliyati yuritish strategiyasini ishlab chiqish 
jarayonida amalga oshirilishi kerak bo‘lgan kadrlar masalalari va 
investitsiyalarini belgilash; 
–
kadrlar bo‘yicha dasturlarning xo‘jalik faoliyatini yurgizish 
umumiy strategiyasiga muvofiqligini kafolatlash; 
–
personal 
bilan 
ishlash 
yordamida 
korxona 
raqobatbardoshligini, uning samaradorligini oshirish; 
–
personalning ortishi yoki uni qisqartirish bilan bog‘liq 
rejalarni amalga oshirish. 
Personalni rejalashtirishning mohiyati 
kadrlarga ularning 
qobiliyatlari, qiziqishlari hamda ishlab chiqarish talablariga muvofiq 
zarur vaqtda va kerak bo‘lgan miqdorda ish o‘rni taqdim etish uchun 
shart-sharoitlar 
yaratishdan 
iboratdir. 
Ish 
o‘rinlari mehnat 
unumdorligi va qiziqish uyg‘otishi nuqtai nazaridan mehnat 
kishisiga eng maqbul ravishda o‘z qobiliyatini rivojlantirish 
imkonini yaratishi, mehnat unumdorligini oshirishi. munosib mehnat 
sharoitlari yaratish va ish bilan bandlikni ta’minlash talablariga 
javob berishi kerak. 
Personalni rivojlantirish ham tashkilot rahbariyati, ham uning 
personali manfaatlarini ko‘zlagan holda amalga oshiriladi. 
Personalni rejalashtirish yanada yuqoriroq mehnat unumdorligiga 
erishish uchun qiziqish va ishdan qoniqish hissini uyg‘otishi kerak.
Insonlarni birinchi navbatda, ularning qobiliyatlarini o‘stirish uchun 
sharoit yaratilganligi hamda yuqori va doimiy ish haqi, 

---

78 
kafolatlangan ish joylari qiziqtiradi. Shuning uchun personalni 
rejalashtirishning eng muhim vazifalaridan biri firmaning barcha 
xodimlari manfaatlarini hisobga olishdir. 
Personalni rejalashtirish vositalari bilan ish beruvchilar va ish 
yollanuvchilarning 
iqtisodiy 
hamda 
boshqa 
manfaatlarini 
tenglashtirish vazifasini bajaradi. Tashkilot personali bilan ishlash 
tizimida personalni rejalashtirishning o‘rni yanada oshib 
bormoqda.