Oʻzbekiston respublikasi oliy va oʻrta maxsus ta’lim vazirligi toshkent

Eksportda kichik biznesning ulushi

30.8-rasm. Eksportda kichik biznesning ulushi

Statistik koʻrsatkichlarning dinamikasi shuni koʻrsatadiki, mamlakatning ijtimoiy-iqtisodiy rivojlanishida kichik biznes va xususiy tadbirkorlikning roli yildan-yilga ortib bormoqda.

2016-yilda kichik biznes va xususiy tadbirkorlik subyektlari tomonidan 3223,2 million AQSh dollari miqdorida tovarlar (ishlar, xizmatlar) eksport qilindi (umumiy eksport hajmining 26,5 foizi), bu 2010-yilga nisbatan 80,8 foizga koʻp va 2000-yilga qaraganda deyarli 10 baravar koʻp.

Korxonalarning aksariyat qismi xizmat koʻrsatishga ixtisoslashganiga qaramasdan, eksport qilishda kichik biznes qariyb 45 foizni tashkil etsada, ularning faoliyati koʻplab ishlab chiqarish segmentlarini qamrab oladi.

Asosiy eksport qilinadigan mahsulotlar sirasiga hoʻl va qayta ishlangan meva-sabzavot mahsulotlari, shuningdek, tayyor toʻqimacilik va charm mahsulotlari, zamonaviy qurilish va pardozlash buyumlari, mexanik asboblar, elektrotexnika va maishiy buyumlar kiradi.

30.9-rasm. Eksport tarkibi

2016-yilda 3000 ortiq kichik biznes subyektlari tomonidan 154 mamlakatga eksport amalga oshirildi.

Toshkent shahri tashqi savdo bilan shugʻullanuvchi korxonalar soni jihatidan va eksport faoliyatidan olingan tushumlar boʻyicha peshqadam hisoblanadi. 2016-yilda 1150 dan ziyod tadbirkorlar eksportning 15 foizini ta’minladi, bu shaharning jami eksportining 18,3 foizini tashkil etadi.

Ikkinchi va uchinchi oʻrinlarni Toshkent va Samarqand viloyatlari egallaydi. Tashqi bozorlarda faoliyat koʻrsatayotgan kichik korxonalar va mikrofirmalarning soni boʻyicha ular tegishlicha taxminan 10 foiz va 9 foizdan sal koʻproqni tashkil etadi.