Oʻzbekiston respublikasi oliy va oʻrta maxsus taʼlim vazirligi toshkent kimyo-texnologiya instituti

Alkogolsiz ichimliklarni qalbakilashtirishning asosiy turlari assortimentni qalbakilashtirish va kvalimetrik qalbakilashtirishdir.
Assortimentni qalbakilashtirishda ichimlikning qaysi guruhga mansubligi toʻgʻrisida notoʻgʻri axborot beriladi: nektarlar va tarkibida sharbatlar boʻlgan ichimliklar sharbatlar, deb koʻrsatiladi; xushboʻy qiluvchi moddalardan tayyorlangan ichimliklar tarkibida sharbat boʻlgan ichimliklar, don xom ashyosidan va xushtaʼm hamda xushboʻy qiluvchi xom ashyodan tayyorlangan ichimlik, deb koʻrsatiladi; kvasli ichimliklar yoki xushtaʼm hamda xushboʻy qiluvchi moddalardan tayyorlangan gazlangan ichimliklar kvas, deb koʻrsatiladi; eʼlon qilingan fiziologik va/yoki biologik xossalarga ega boʻlmagan ichimliklar maxsus ichimliklar, deb koʻrsatiladi.
Kontrafakt mahsulot chiqarish hollari ham uchrab turadi. Kontrafaktdan “Koka-Kola” kompaniyasining turli brendlari (“Coca-Cola”, “Sprite”, “Fanta”, “BonAqua”, “Schweppes”, “Fruktaym”) ayniqsa koʻp zarar koʻrmoqda.
Kvalimetrik qalbakilashtirish va miqdorni qalbakilashtirish usullari siroplarni, ekstraktlarni, konsentratlarni qalbakilashtirish usullari qanday boʻlsa, shunday.
Ichimliklarga ularning tabiati, tarkibi va kelib chiqishi xususida isteʼmolchilarni chalgʻitadigan nomlar berish axborotni qalbakilashtirishning asosiy usulidir. Koʻpincha ichimliklarning nomlariga ularning tarkibida boʻlmagan mahsulotlarning nomlari kiritiladi. Idrok etishda tasavvur taʼsirini kuchaytirish uchun mahsulot yorligʻida ana shu mevalar (yangi uzilgan mevalar, rezavorlar, xushboʻy oʻsimliklar va boshqalar) tasvirlanadi.
Axborotni qalbakilashtirishning boshqa bir usuli ichimliklarda boʻlmagan alohida xossalarni (sogʻlomlashtiruvchi, davolovchi va boshqa) bor qilib koʻrsatishdan iborat (“Parhezbop”, “Vitaminlashtirilgan”, “Diabetik” va boshqalar). Bunday axborotni berishga mahsulot tayyorlovchida uni tasdiqlaydigan hujjat boʻlganidagina yoʻl qoʻyiladi.
Test savollari: