O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

4.Karam naychalarni bakterioz kasalligini – Xanthomonas campestris bakteriyasi qo’zg’atadi. Bakteriyalar unib chiqayotgan urug’dan o’simlik naychalariga o’tib ularni qoraytiradi. Kasallangan, salgina so’ligan va chetlarida sarg’ayib kelayotgan barglarda qora tomirlardan to’r hosil bo’ladi. Barg bandlarining ko’ndalang kesimida qora rangli kasallangan naychalar ko’rinadi. Bunday o’simlik rivojlanishdan orqada qoladi, bosh o’ramaydi. Bakteriyalar urug’larda va o’simlik qoldiqlarida saqlanadi.

Preparat:Zararlangan to’qimalardan preparat tayyorlab, mikroskopda ko’rish.

5.Fomoz kasalligini – Phoma lingam zamburug’i qo’zg’atadi. Kasallik bilan o’simlik butun vegetasiya davomida zararlanadi. Kasallik uch xil formada, ya’ni unish davrida qora son, barglar va qo’zoqlarida dog’lanish, poya, ildiz va ildiz mevalarda quruq chirish holida uchraydi. Ko’chatlarning ildiz bo’g’zi va urug’ pallasida qo’ng’ir dog’lar hosil bo’lib, keyinchalik urug’ pallasi qurib qoladi.

O’simlik barglarida kulrang va binafsha rang dog’lar yuzaga keladi. Poyalarida esa yoriqlar hosil bo’lib, piknidalar joylashadi. Kasallik asosan urug’ orqali tarqaladi, zamburug’, piknidalar holida qishlaydi.