|
5-rasm. Pestitsidlar bilan zaharlangan vaqtda ko‘rsatiladigan birinchi yordam.
Oshqozon ichak yo‘liga tushgan pestitsidlarni yuvib tashlash uchun bir necha stakan iliq suv yoki kaliy permanganatning engil pushti rangli eritmasi ichirilib qayd qilishga majbur qilinadi. Qayd qilgandan so‘ng 2-3 qoshiq aktivlashgan ko‘mir bilan yarim stakan suv ichtiriladi, so‘ngra 20g magniy sulfatga 1:2 nisbatda suv solib surgi sifatida ichiriladi.
Oshqozonga tez ta’sir etuvchi modda masalan, farmalin tushsa, qamrab oluvchi vositalar kraxmal eritmasi ichdiriladi. Sut, alkogol, yog‘ ichimliklar iste’mol qilish mumkin emas.
Pestitsidlar teriga tushganda, uni paxta yoki bint bo‘lagi bilan artib, biror narsa surtmasdan 2% li iste’molda ishlatiladigan sodani issiq suvdagi eritmasi bilan yoki sovun va suv bilan yuvib ketkaziladi.
Pestitsid ko‘zga tushgan taqdirda uni qaynatilgan suv yoki bor kislotasining 2% li eritmasi bilan yuvish kerak.
Zararlangan kishining burnidan qon kelganda esa, boshini ko‘tarib, orqaga suyantiriladi, boshining orqa tomoniga sovuq biror narsa qo‘yiladi, burun teshigiga vodorod peroksidi shimdirilgan paxta tampon tiqib qo‘yiladi. Teridan qon ketganda ham vodorod peroksidi shimdirilgan paxta bosib to‘xtatiladi.
Issiqdan birinchi darajali kuyish qizargan va sal shishganda, kuygan joyni etil spirti yoki kaliy permanganat eritmasini uzoq vaqt surtib turish kerak. 2 va 3 darajali kuyganda sterillangan toza bog‘lag‘ich qo‘yib turib, kuygan joylarni toza gazlama bilan yopish lozim.
Pestitsidlar bilan ishlaydigan joylarda birinchi yordam ko‘rsatish uchun dorilar solingan quticha aptechka saqlanishi shart. Har qanday zaharlanish vaqtida, zaharlanishning engil, og‘irligidan qat’iy nazar vrachga murojat qilish lozim.
Birinchi yordam ko‘rsatish qutichalarida saqlanadigan dorilar:
aspirin 30 tab.
bor kislotasi 60g.
borli vazelin 1ta tyubik
magniy sulfat 300g.
validol 30 tab.
gorchitsa kukuni 200g.
karbolenaktivlashgan ko‘mir 100g.
kraxmal 200g.
kaliy permanganat 20g.
10% li yod eritmasinastoyka 50ml.
5% li yod eritmasi 50ml.
valerianka nastoykasi 30ml.
nashatir spirti 25ml.
3% li vodorod peroksidi 100g.
piramidon/amidopirin/ 20tab.
ichimlik sodasi 200g.
1% li ko‘kdori nastoykasi zelyonka 100 ml.
osh tuzi 200g.
sterillangan bint 10 dona
gigroskopik paxta 150g.
elastik tasma yoki bog‘lagich 1 dona
birinchi yordam shaxsiy paketlari 5 dona
Havo yostiqchasi 2 dona
ro‘molcha 2 dona
1x5 sm li leykoplastir 5 dona
qaychi 2 dona
meditsina qo‘lqopi 3 juft
dori tomizgich 10 dona
sterillangan salfetkalar 10 dona
setkali yoki simli termometr 10 dona
Labaratoriya va ishlab chiqarish sharoitida pestitsidlar bilan ishlash texnika xavfsizligidan savollar
amaliy mashg‘ulotlar vaqtida talabalar o‘zlarini qanday tutishlari kerak?
noqulay vaziyat zaharlanish, jabrlanish va h.k.qanday yuz beradi?
elektr asboblari, apparatlar, analitik tarozilar, havoni so‘ruvchi shkaflar va boshqalarning nosozliklarini yo‘qotish uchun nimalar qilish kerak?
pestitsid qoldiqlari va idishlarni tozalaganda yuvindi suvlar qaerga to‘kiladi?
labaratoriya sharoitida pestitsidlar bilan bajariladigan amaliy ishlar qanday joyda o‘tkazilishi kerak?
yupqa devorli shisha idishlar qanday joyda isitilishi kerak?
havoni so‘rib turuvchi shkaflarda qanday ishlarni bajarish man etiladi?
tekshirishga o‘tishdan oldin nimalarni bilish va nima ishlar qilinishi kerak?
ochiq idishlardagi nimalarni analitik tarozida tortish man etiladi?
pestitsid va ishqor 90 gradusda isitilishi va qaynatilishi qanday olib boriladi?
pestitsidlarni o‘ziga xos noxush hidini qanday qilib aniqlash mumkin.
FOBguruxiga kiruvchi pestitsidlar bilan zaharlangan idishlar qanday qilib zararsizlantiriladi?
simob organik birikmalar bilan zararlangan idishlarchi?
margimush tarkibli preparatlar bilan zararlangan idishlarnichi?
yuvish vositalari sifatida nimalardan foydalaniladi?
ishlab chiqarish sharoitida pestitsidlarni saqlash uchun qanday talablar qo‘yiladi?
omborda qanday pestitsidlar boshqalaridan ajratilgan holda saqlanadi?
zaharli pestitsidlarni saqlash va ularni tarqatish kimning javobgarligi ostida olib boriladi?
pestitsidlarni qachon va qaysi paytda hisob kitobi inventarizatsiyasi o‘tkaziladi?
saqlash muddati o‘tgan va ishlatishga yaroqsiz bo‘lib qolgan pestitsidlarni hisobdan chiqarish qay darajada olib boriladi?
o‘rtacha va kam ta’sirchanlikka ega bo‘lagn pestitsidlar bilan ishlash vaqtida nafas olish a’zolari qanday respiratorlar bilan himoya qilinadi?
efirsulfonatlar, mis, xloroksidi, ftor kabi preparatlar bilan ishlash vaqtida qanday respiratorlardan foydalaniladi?
fazalon, dixloretan kabilar bilan ishlaganda nafas olish a’zolarini himoya qilish uchun qanday himoya qilish vositalaridan foydalaniladi?
simob fosfororganik birikmali va boshqa preparatlar bilan ishlash paytida nafas olish a’zolarini himoya qilish uchun qanday himoya vositalaridan foydalaniladi?
kukunsimon preparatlar bilan changlashda respirator filtri qachon almashtiriladi?
maxsus kiyimlarni ta’riflab bering?
shaxsiy himoya qilish vositalari qay tarzda echiladi?
texnika xavfsizligi va mehnatni muxofaza qilishni to‘g‘ri tashkil etishning ma’muriy javobgarligini kim olib boradi?
pestitsidlar bilan ishlashga ruxsat berish uchun qanday xujjatlar bo‘lishi kerak?
fermer xo‘jaliklari omborlaridan pestitsidlarni kimga va qaysi xujjatlar asosida tarqatiladi?
omborga keltiriladigan va ombordan chiqariladigan pestitsidlar hisobi qanday olib boriladi?
qaysi ekinlarni himoya qilishda kimyoviy himoya qilish vositalari qo‘llanilishi man etiladi?
pestitsidlar bilan ishlangan dalalarda qachon mashina va qo‘l kuchi bilan ishlashga ruxsat beriladi?
pestitsidlar bilan ishlangan dalalarda qachon chorva mollarini boqishga ruxsat beriladi?
yo‘l qo‘yilishi mumkin bo‘lgan qoldiq miqdorini ta’riflang?
yo‘l qo‘yilishi mumkin bo‘lgan eng yuqori qoldik miqdorini ta’riflang?
pestitsidlar tashilgan transport vositalari nimalar bilan zararsizlantiriladi?
pestitsidlar guruhiga taaluqli ogohlantiruvchi hoshiya ranglarini aytib bering.
ta’sir etuvchi modda va uning sarf me’yori nima?
pestitsidlarni ishlatish muddati va necha marta ishlatilishi.
kutish muddati va oxirgi ishlash vaqti.
pestitsidlarni tashish vaqtida texnika xavfsizligi qoidalariga bo‘lgan talablar.
changlash va purkash ishlari shamol tezligiga va yo‘nalishiga qarab qanday olib boriladi?
pestitsidlar bilan ishlash uchun ishchilar nimalar bilan ta’minlanadi?
pestitsidlarning idishlari etiketkasiga qanday ma’lumot yoziladi?
oshqozon ichak yo‘liga tushgan pestitsid bilan zaharlangan shaxslarga birinchi yordam qanday ko‘rsatiladi?
teriga tushgan pestitsidlarni xavfini oldini olish uchun ko‘rsatiladigan birinchi tibbiy yordam.
asalarilar qutilari qo‘yilgan yaqin joydagi dalani pestitsidlar bilan ishlash qanday olib boriladi?
ko‘zga tushgan pestitsidlarni xavfini oldini olish uchun ko‘rsatiladigan birinchi tibbiy yordam.
birinchi tibbiy yordam ko‘rsatish uchun dori qutichalarida qanday dorilar saqlanadi?
Texnika xavfsizligini o‘rganish bo‘yicha topshiriqlar
1-topshiriq. “Nafas olish a’zolarini himoya qilish shaxsiy vositalari”. 1.1.-jadvalni to‘ldiring.
1.1.-jadval
Do'stlaringiz bilan baham: |
