O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

4-rasm shaxsiy himoya vositalari
1. YUzni himoyalash maskasi; 2.Resperator; 3. Kombinzon; 4.Rezina qo‘lqop;

5. Boshni himoyalash vositasi(shlem); 6.Rezina etik.

Nafas olish a’zolari, teri va ko‘zni himoya qilish vositalari. Nafas olish a’zolarini pestitsidlardan himoya qilish uchun quyidagi: protivogaz respiratorlar RPG 67, universal respiratorlar RU 60m qutisi almashtirilib turiladigan sanoat protivogazlari, chang ushlab qoladigan /F 62SH,U 2K,Lepestok 200, Lepestok 5, Astra 2 respiratorlardan foydalaniladi.

Kuchli va havfli preparatlar bilan ishlaganda, changlash, purkash, urug‘larni dorilash vaqtida RU 60M, RPG 67 respirator va protivogazli patronlardan foydalaniladi.

Simob organik preparatlarini ishlatishda G markali protivogaz patronidan; fosfor, xlor va boshqa organik moddalar qo‘llanilganda A markali protivogaz patronidan hamda PO 2 zich qilib berkitadigan ko‘zoynaklardan himoya qilish vositasi sifatida foydalaniladi. SHuni ham ta’kidlash o‘rinliki, filtr bilan ta’minlangan barcha qutichali sanoat protivogazlarida idishda oq chiziqli belgi bo‘ladi, yuqorida keltirilgan moddalar bilan ishlaganda himoya qilish vositasi sifatida foydalanish mumkin.

Ko‘zni pestitsidlardan himoya qilish uchun changdan saqlanadigan PO 3 “Monoblok” markali, 33M bs markali zich qilib berkitiladigan himoya qiluvchi ko‘zoynaklar taqiladi.

Kukunsimon pestitsidlar bilan ishlash vaqtida /ularni qadoqlash, changlagichlarga solish, o‘simliklarni changlash, urug‘larni dorilash va ekish/ maxsus chang o‘tkazmaydigan moleskin tipidagi kiyimlar, brezent kiyimlar, usti plyonka bilan qoplangan paxta tolali qo‘lqoplardan foydalaniladi.

Suyuq eritmali zaharlar bilan ishlash vaqtida eritma tayyorlash, purkagich apparatlarga solish, purkash, urug‘larni dorilash va ekin ekishda kislotadan himoya qiladigan eritma bilan shimdirilgan, paxta tolasidan tayyorlangan maxsus kiyimlar, maxsus rezina oyoq kiyimlari, rezina qo‘lqoplaridan foydalnish tavsiya etiladi. Meditsina qo‘lqopidan foydalanish man etiladi.

Ishdan keyin qo‘lqopni echmasdan zararsizlantiradigan eritma va suv kaliy sodasining 35% li eritmasi, ohakli suv bilan yuviladi, so‘ngra ko‘zoynak, respirator, kombinzon echiladi va qo‘lqop qaytadan zararsizlantiradigan eritmalar bilan yuviladi va echiladi.

Respiratorlar va protivogazlarning rezina qismlarini quyidagi tarkibli 25g sovun, 1l. suv, 5g. Soda eritmada yuviladi, paxtaga spirt yoki 5% li nordon kaliy marganets eritmasi bilan zararsizlantiriladi va qaytadan issiq suvda yuvib quritiladi.

Har kuni ishdan keyin maxsus kiyimlar changdan qoqib yoki chang so‘ruvchi moslama yordamida tozalaniladi, so‘ngra ochiq havoda yoki shiypon ostida 8-10 soat davomida shamollatiladi. Ifloslanishiga qarab maxsus kiyimlar har 6 ish kuni ichida bir marta yuviladi.