O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Xo‘jaliklarda pestitsidlar bilan ish olib borilganda texnika havfsizligi qoidalari. Pestitsidlar bilan bajariladigan barcha ishlar pestitsidlarni ta’sirchanligini hisobga olgan holda, o‘simliklarni himoya qilish mutaxassislari raxbarligida olib boriladi. Mehnatni tashkil etish, uni muhofaza qilish va texnika havfsizligi qoidalari buzilishida xo‘jalik va tashkilot rahbarlari javobgardir.

O‘simliklarni himoya qilish bilan bog‘liq bo‘lgan shaxslar, har yili meditsina ko‘rigidan o‘tib, “Pestitsidlar bilan ishlaganda texnika xavfsizligi qoidalariga rioya etish” ko‘rsatmasi bilan tanishib chiqadilar. 18 yoshgacha bo‘lgan bolalar, homilador ayollar, emizikli onalarga pestitsidlar bilan ishlash ruxsat etilmaydi.

Pestitsidlar bilan ishlash muddati 6 soat, kuchli ta’sir etuvchi pestitsidlar bilan ishlash muddati esa 4 soat qilib belgilanadi va qolgan ish soatini pestitsidlar bilan bog‘liq bo‘lmagan boshqa ishlar bilan davom ettirishi mumkin.