O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

7- laboratoriya mashg‘uloti mavzusi
PESTITSIDLAR BILAN ISHLASHNI TASHKIL ETISH VA TEXNIKA XAVFSIZLIGI

(2 soat)

Qishloq xo‘jaligida o‘simliklarni himoya qilish uchun ishlatiladigan pestitsidlarni puxta o‘rganmay noto‘g‘ri ishlatish natijasida oziq ovqatlar, tuproq, oqar suvlar, suv xavzalari, havo, aholi yashaydigan joylar, odamlar va chorva mollarining zaharlanishi hollari uchrab turadi. SHuning uchun pestitsidlarni qishloq xo‘jaligida ishlatishda, ularni ortish, tushirish va tashish qoidalariga qat’iy rioya qilishlari lozim.

Talabalar kafedra labaratoriyalarida amaliy o‘quv mashg‘ulotlari olib borishlari uchun texnika havfsizligi qoidalariga rioya qilishlari lozim.

Talabalar o‘qish jarayonida xo‘jaliklarda pestitsidlarni ishlatishda texnika xavfsizligi qoidalari bilan tanishib oladilar. Maxsus kiyimlar: oyoq kiyimlari, respiratorlar, protivogazlar, himoya qiluvchi ko‘zoynak, qo‘lqoplar va boshqalar bilan tanishadilar, ulardan to‘g‘ri foydalanish qoidalarini o‘rganadilar. Texnika havfsizligi bo‘limi o‘rganib chiqilgach, talabalar texnika havfsizligi jurnaliga qo‘l qo‘yib, o‘quv labaratoriyalarida mashg‘ulotlar o‘tkazishlari uchun ruxsat oladilar. Homilador va emizikli ayollarga pestitsidlar bilan ishlash qat’iy man etiladi. O‘quv mashg‘ulotlari davomida labaratoriyalarda foydalaniladigan jixozlar va asbob uskunalar bilan tanishadilar: dori qutisi anjomlari, gazlamadan tayyorlangan /Lepestok 200 yoki 400 yoki 5/ chang tutgich respiratorlari, A,B,G va KD patron markali gaz o‘tkazmaydigan RPG 67 protivogazi va RU 60m universal protivogazlar protivogaz old tomonini yuvib artish uchun spirt yoki kaliy permanganatning 0.5% li eritmasi, rezinali qo‘lqop /art374/, yupqa plyonka bilan qoplangan paxta tolasidan tayyorlangan “KR” qo‘lqopi, rezinali etik, S33m bs chang o‘tkazmaydigan, PO 2, PO 3 yoki S 33m bs markali changdan himoya qiluvchi ko‘zoynak, maxsus kiyim va xalatlar, kir sovuni, ish vaqtida qo‘lqop va boshqa kiyimlarni zararsizlantirish uchun ishlatiladigan 35%li kalsiylangan soda eritmasi, suv va turli idishlar bilan tanishadilar.