O‘zbekiston respublikasi oliy va o‘rta maxsus ta’lim vazirligi qarshi davlat universiteti magistratura bo‘limi qo‘lyozma huquqida udk 372. 36 Xalilova zilola zamirovna maxsus topshiriqlar tizimi asosida boshlang`ich sinf o`quvchilarida mantiqiy fikrlashni

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI


QARSHI DAVLAT UNIVERSITETI


MAGISTRATURA BO‘LIMI
Qo‘lyozma huquqida
UDK 372.36
XALILOVA ZILOLA ZAMIROVNA
MAXSUS TOPSHIRIQLAR TIZIMI ASOSIDA BOSHLANG`ICH SINF O`QUVCHILARIDA MANTIQIY FIKRLASHNI RIVOJLANTIRISH
Mutaxassislik: 5A111701- «Ta’lim tarbiya nazariyasi va metodikasi»
(boshlang‘ich ta’lim)


Magistr akademik darajasini olish uchun yozilgan
DISSERTATSIYA
Ilmiy rahbar: pedagogika fanlari doktori, professor
Shodiyev Rizamat Davronovich


QARSHI- 2022
O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
QARSHI DAVLAT UNIVERSITETI

Fakultet: Maktabgacha va boshlang’ich ta’lim	magistratura talabasi: Xalilova Zilola Zamirovna
Kafedra:Boshlang’ich ta’lim	Ilmiy rahbar: p.f.d. R.D.Shodiyev
O'quv yili: 2020 – 2021	Mutaxasisligi: 5A111701 – Ta’lim va tarbiya nazariyasi (Boshlang’ich ta’lim)

“Maxsus topshiriqlar tizimi asosida boshlang‘ich sinf o‘quvchilarida mantiqiy fikrlashni rivojlantirish” mavzusidagi magistrlik dissertatsiyasiga

ANNOTATSIYA

Tadqiqotning dolzarbligi. Hozirgi paytda maktablarda boshlang’ich sinflarda matematika o’qitishning asosiy vazifalaridan biri o’quvchilarni har tomonlama yetuk insonlar qilib tarbiyalash hisoblanadi. Bunda ularda matematikadan bilimlar berish bilan birga ularga o’rgatiladigan bilimlarni asosli va puxta bo’lishini ta’minlash, ularni qo’llay olish ko’nikma va malakalarni shakllantirish muhim ahamiyatga ega. Matematika darslarida maxsus topshiriqlar tizimi asosida boshlang’ich sinf o’quvchilarning mantiqiy fikrlashini rivojlantirish hamda ularni kelgusida olingan bilimlarni ongli hayotiy faoliyatda muvaffaqiyatli qo’llashlari uchun zarur ko’nikma va malakalarni shakllantirish ta’limning vazifasiga aylanishi lozim. Bunda esa maxsus topshiriqlar tizimi boshlang’ich sinf o’quvchilarda mantiqiy fikrlashini rivojlantirishda muhim omil bo’lib hizmat qiladi.

Tadqiqot ishining maqsadi. Boshlang‘ich sinf o‘quvchilarida maxsus topshiriqlar tizimi asosida mantiqiy fikrlashni rivojlantirish va uni pedagogik tajriba jarayonida tekshirib ko’rish.
Qo’yilgan maqsadga erishish uchun quyidagi vazifalarni amalga oshirishimiz zarur:
– mazkur mavzu yuzasidan maxsus adabiyotlarni tahlil qilish;
– boshlang‘ich sinf o’quvchilari mantiqiy fikrlashini rivojlantiruvchi didaktik tizimini ishlab chiqish;
– boshlang‘ich sinf o’quvchilarida mantiqiy fikrlashini rivojlantiruvchi maxsus vazifalar va ularni taqdim etish metodikasini ishlab chiqish;
– boshlang‘ich sinf o’quvchilarida mantiqiy fikrlashini rivojlantirish bo’yicha topshiriqlar tizimini tajriba – sinovida tekshirib ko`rish;
– tajriba - sinov ishlari natijalarini qiyosiy tahlil qilish va baholash.