O’zbekiston respublikasi oliy va o’rta maxsus ta’lim vazirligi namangan davlat universiteti udk magistratura bo’limi boshlang’ich ta’lim metodikasi kafedrasi

Tadqiqot ishining vazifalari:

• 
  mavzuni ilmiy-nazariy jihatdan dolzarbligini asoslash;
  
• 
  boshlang’ich sinf “O’qish” darslarini tashkil etishga innovatsion yondashuvni shakllantirish yuzasidan mavjud adabiyotlarni o’rganish va tahlil qilish;
  
• 
  “O’qish” darslarini innovatsion yondashuv asosida tashkil etish muhim jarayon ekanligini asoslash;
  
• 
  mavzu yuzasidan ilmiy-metodik tavsiyalar ishlab chiqish.
  

Tadqiqotning metodologik asosi. O’zbekiston respublikasining “Ta’lim to’g’risida”gi Qonuni, O’zbekiston Respublikasi Prezidenti SH.Mirziyoev tomonidan qabul qilingan Farmon va Qarorlar, nutq va ma’ruzalarida innovatsiya va o’quvchi-yoshlarni innovatsion yondashuv asosida o’qitishga qaratilgan fikr-mulohazalar, O’zbekiston Respublikasi Hukumatining umumta’lim maktablari, xususan boshlang’ich ta’limning sifat va samaradorligini ta’minlashga oid me’yoriy Hujjatlari, mavzuga oid ilmiy­pedagogik, psixologik, metodik manbalar.
Tadqiqotning ilmiy yangiligi: boshlang’ich sinf “O’qish” darslarini innovatsion yondashuv asosida tashkil etishga yo’naltirilgan ta’lim texnologiyalaridan foydalanilganligi, “O’qish” darslariga innovatsion yondashuvni tatbiq etishga oid tavsiyalar ishlab chiqilganligidir.
Tadqiqot natijalarining ilmiy ahamiyati. Tadqiqot natijalarining ilmiy ahamiyati boshlang’ich sinf “O’qish” darslarini innovatsion yondashuv asosida tashkil etishga yo’naltirilgan ta’lim texnologiyalari, pedagogik-psixologik shart-sharoitlarning aniqlashtirilganligi, mavzuga doir ilmiy taklif va tavsiyalar ishlab chiqilishi orqali pedagogika fani nazariy yondashuvlar, qarashlar bilan boyitilganligi bilan izohlanadi.
Tadqiqot natijalarining amaliy ahamiyati. Tadqiqot natijalarining amaliy ahamiyati mavzu yuzasidan jamlangan manbalar, turli yondashuvlar, xulosalar va nazariy umumlashmalar soha mutaxassislari uchun axborot manbai bo’la olishidir.
Tadqiqot bosqichlari. Tadqiqot quyidagi 3 bosqichda amalga oshirildi:
1. Asoslovchi bosqich (2020-2021). Tadqiqot muammosiga oid pedagogik, psixologik, falsafiy hamda ilmiy adabiyotlar o’rganildi, tahlil qilindi, tajriba-sinov ob’ektlari belgilandi. Boshlang’ich sinf “O’qish” darslarini innovatsion yondashuv asosida tashkil etishning mavjud holati o’rganildi.
2. Shakllantiruvchi bosqich (2020-2021). Keng ko’lamdagi tajriba-sinov ishlari tashkil etildi, natijalar tahlil etildi, umumlashtirildi va ustuvor jihatlari aniqlandi. O’qish” darslari innovatsion yondashuv asosida tashkil etilganda dars mashg’ulotlarining samarali ekanligi asoslandi.
3. Ta’kidlovchi tajriba bosqich (2021-2022). Tajriba-sinov mashg’ulotlari o’tkazildi, tadqiqot natijalari amaliyotga tatbiq etildi.