O’zbekiston respublikasi oliy va o’rta maxsus ta’lim vazirligi namangan davlat universiteti udk magistratura bo’limi boshlang’ich ta’lim metodikasi kafedrasi

Mavzuning o’rganilganlik darajasi. Mamlakatimiz olimlaridan N.A.Muslimov, M.H.Usmonboeva², D.M.Sayfurov, A.B.To‘raev³, N.Azizxodjaeva⁴, R.J.Ishmuhamedov⁵ J.Yo‘ldashevlar⁶ ta’lim va tarbiya jarayoniga innovatsion yondashuvlarni, R.A.Mavlyanova, N.X.Raxmankulova⁷ boshlang‘ich ta’limda innovatsiya masalalari, Sh.T.Boltaeva⁸ boshlang‘ich ta’limda o‘quvchilar ijodiy faoliyatini tashkil etish texnologiyasi masalalarini tadqiq etganlar. Ular tomonidan ta’limni innovatsion texnologiyalar asosida tashkil etish va o’qituvchining innovatsion faoliyati xususida bir qancha izlanishlar olib borilgan.
Rivojlangan xorijiy mamlakatlarda pedagog faoliyatining innovatsion harakter kasb etishiga erishish va ta’limni innovatsion yondashuv asosida tashkil etish masalasi jiddiy o’rganila boshlangan. V.M.Monaxov, Ye.V.Baxusova, I.A.Oleynikovalar⁹ pedagogik texnologiya va uning o‘quv-tarbiya jarayoni samaradorligini oshirishdagi roli, G.K.Selevko¹⁰ zamonaviy ta’lim texnologiyalarining o‘ziga xos xususiyatlari, M.V.Klarin¹¹ pedagogik texnologiyalarning mohiyati va mazmuni, D.Zinger, T.Tate, M.Warschauerlar¹² pedagogik texnologiya orqali o’rganish va o’qitish, o‘qituvchining bu boradagi amaliyoti xususida izlanishlar olib borganlar.
Manbalar tahlili va yuqorida olib borilgan tadqiqotlarda aynan boshlang‘ich ta’limning o’qish darslarini tashkil etishga innovatsion yondashuv masalalariga atroflicha urg‘u qaratilmagan.
Tadqiqot ishining maqsadi boshlang’ich sinf “O’qish” darslarini tashkil etishga innovatsion yondashuvlarning dolzarbligini ilmiy-nazariy jihatdan asoslash, ilmiy-metodik tavsiyalar ishlab chiqishdan iborat.
Tadqiqot obyekti sifatida boshlang’ich sinflarda “O’qish” darslarini tashkil etish jarayonlari tanlab olindi.
Tadqiqot predmeti boshlang’ich sinf “O’qish” darslarini tashkil etishga innovatsion yondashuvni shakllantirishni o’rganish, metod, shakl va vositalarini tashkil etadi.