Oʻzbekiston Respublikasi Oliy va oʻrta maxsus taʼlim vazirligi Mirzo Ulugʻbek nomidagi Oʻzbekiston Milliy Universiteti Tarix fakulteti Tarix

---

Oʻzbekiston Respublikasi Oliy va oʻrta maxsus taʼlim vazirligi 
Mirzo Ulugʻbek nomidagi Oʻzbekiston Milliy Universiteti Tarix fakulteti 
Tarix (5120300: mamlakatlar va mintaqalar boʻyicha) yoʻnalishi, bakalavriat 
bosqichi kunduzgi boʻlimining 3-bosqich 101-oʻzbek guruhi talabasi Ahmedov 
Javohir Abdurasul oʻgʻlining ―Oʻzbekiston tarixi‖ fanidan yozgan 
 
 
 
MUSTAQIL ISHI 
 
MAVZU: Toshkent shahrining tarixiy toponimlari 
(XIX asrning oxirlari – XX asrning boshlarida)
 
 
 
 
 
 
 
TOSHKENT — 2022 

---

―Toshkent shahrining tarixiy toponimlari‖ 
(XIX asrning oxiri - XX asrning boshlarida) 
Reja;
KIRISH 
1)
XIX asrning ikkinchi yarmi – XX asrning boshlaridagi manbalarda Toshkent 
shahri tarixiy toponimlarining yoritilishi; 
2)
Toshkentning eski shahar qismining tarixiy toponimlari tasnifi va tahlili; 
3)
Toshkentning yangi shahar qismining tarixiy toponimlari tasnifi va tahlili. 
XULOSA 
FOYDALANILGAN MANBALAR VA ADABIYOTLAR ROʻYXATI

---

KIRISH 
Oʻzbekiston Respublikasi davlat mustaqilligini qoʻlga kiritishgach, butun 
boshli jamiyatimiz qatorida ilm-fan va taʼlim sohasida, xususan tarix sohasida ham 
chuqur va keng koʻlamli islohotlar amalga oshirilib kelinmoqda. Tarix fani 
haqqoniylik tamoyillari asosida qaytadan koʻrib chiqildi. Xususan vatanimizning 
poytaxti Toshkent shahri tarixi, ijtimoiy-iqtisodiy va madaniy hayotidagi yorqin va 
ziddiyatli voqealardan oʻrnak olish va uni xalqimizga holis yetkazib berish boʻyicha 
ilmiy ishlar koʻpayadi. Toshkent shahri tarixini yoritishda, xususan uning eng 
ziddiyatli va ogʻir damlari sodir boʻlgan XIX asrning oxiri – XX asr boshlaridagi 
tarixini oʻrganishda shaharning joy nomlari, toponimlari tarixini oʻrganish alohida 
ahamiyatga ega hisoblanadi. 
Ushbu mustaqil taʼlim ishida muallif Toshkent shahrining XIX asrning 
ikkinchi yarmidan – XX asr boshlariga qadar boʻlgan davrdagi siyosiy, ijtimoiy-
iqtisodiy va madaniy hayotida oʻz oʻrniga ega boʻlgan shaharning joy nomlari 
haqidagi qimmatli maʼlumotlarni yoritib beradi. Mustaqil tadqiqot ishi konstruktiv 
tuzilishi jihatidan uch rejadan iborat boʻlib, XIX asrning ikkinchi yarmidan – XX 
asrning boshlaridagi tarixiy manbalar va ilmiy tadqiqot ishlarida Toshkent shahri 
toponimlari, joy nomlari haqidagi maʼlumotlar aks etadi. Maʼlumki, Rossiya 
imperiyasi bosqinidan soʻng shahar hayotida chuqur siyosiy-ijtimoiy, iqtisodiy va 
madaniy oʻzgarishlar sodir boʻladi. Xususan Toshkent shahri yangi va eski shahar 
qismlaridan iborat ikki qismga boʻlinadi. Mustaqil tadqiqot ishi ushbu jihatni ham 
hisobga oladi va yuqorida qayd etilgan davrda Toshkent shahrining eski va yangi 
shahar qismidagi siyosiy, ijtimoiy-iqtisodiy va madaniy muassasalarning nomlari, 
Toshkent shahrining maʼmuriy hududiy tuzilishi va birliklarning nomlari, suv 
inshootlari haqidagi qimmatli maʼlumotlarni oʻz ichiga oladi. 
Ushbu mustaqil tadqiqot ishini yaratishda bir qancha tarixiy adabiyotlar, 
manbalardan maʼlum darajada foydalanib, asosan Xayriya Boʻriyevaning “Toshkent 

---

shahrining tarixiy toponimiyasi” (XIX asr oxiri – XX asrning boshlari) asaridan
1
keng koʻlamda foydalanilgan.