O’zbekiston milliy universiteti 5A120101- adabiyotshunoslik (o‘zbek adabiyoti) G‘afurov nodirjon sayfutdin o‘G‘LI

Tadqiqotning predmetini o‘zbek adabiyotshunosligida fard janrining shakllanishi, taraqqiyoti, uning nazariyasi bilan birgalikda, Alisher Navoiy fardlaridagi g‘oya, mavzu, badiiy obraz va ifodadagi o‘ziga xoslik tashkil etadi.
Ishning maqsadi. Tadqiqot Navoiygacha bo‘lgan fard janri tarixi, taraqqiyotini o‘rganish hamda Alisher Navoiy fardlari mavzu va ma’no qamrovi, poetik o‘ziga xosligini yoritishdan iborat.
Ishning vazifasi. Ushbu maqsadga erishish uchun tadqiqotimiz oldiga quyidagi vazifalarni qo‘yishni lozim topdik:

• 
  Fardning lug‘aviy va istilohiy ma`nolarini izohlash;
  
• 
  Janrning XII- XV asr 1-yarmidagi taraqqiyotini tekshirish;
  
• 
  Fardlarda shaxs, axloq va inson kamoloti talqinini izohlash;
  
• 
  Fard janrining g`oya, mavzu qamrovi va irfoniy ma`nosini belgilash;
  
• 
  Badiiy obraz va ifodadagi o‘ziga xoslikni aniqlash;
  
• 
  Fardlarni badiiy jihatdan tasniflash.
  

Tadqiqotning ilmiy yangiligi: fardlarning janriy xususiyatlari tadqiq etilishi natijasida uning o‘ziga xos jihatlari, taraqqiyot bosqichlari, mavzu va ma’no qamrovi, irfoniy mazmun yetakchiligi, badiiyati bu tadqiqot ishining ilmiy yangiligi sanaladi.
Tadqiqotning asosiy masalalari va farazlari: ishning olib borilishi davomida shaxs kamoloti, inson tushunchasi va axloq masalalari o‘rganildi. Fardlardan u yaratilgan zamonga nisbatan didaktik, falsafiy va ishqiy mazmundagilari ajratildi. Ularning zohiriy va boyiniy ma’nosini ochib berishga harakat qilindi.
Tadqiqotning metodologok asosi va metodlari. Ishda qiyosiy-tarixiy tahlil metodi qo‘llanildi. Qator adabiyotshunoslarning nazariy qarashlariga tayanildi.
Tadqiqot natijalarining nazariy va amaliy ahamiyati: Navoiy asarlarini chuqur tadqiq etish orqali fard janrining inson hayotiga, uning ma’naviyatiga, tarbiyasiga, axloqiga, turmush tarziga bo‘lgan ahamiyati belgilanadi. Bu hikmatga to‘la asarlar yoshlarimiz kelajagida mayoq va yoki shior vazifasini o‘tashiga ishonamiz.