Reja: kirish asosiy qism: a Uvaysiy va uning lirik merosi b G’azal janri rivojida shoira mahorati

Reja:

KIRISH

ASOSIY QISM:

a) Uvaysiy va uning lirik merosi.
b) G’azal janri rivojida shoira mahorati.
c) Shoira ijodida chistonning o’rni, muxammas, nazira va fard janrlarining o’ziga xosliklari

XULOSA

FOYDALANILGAN ADABIYOTLAR RO’YXATI

Kurs ishi mavzusining dolzarbligi va zarurati. Jahon otin Uvaysiy mumtoz she’riyatning turli janrlarida ijod qilgan va she’rlardan devon tuzgan shoiradir. Shoira she’riyatida inson ma’naviyatining bugungi kunda ham nihoyatda dolzarb bo’lgan, umumbashariy muammolari yoritilgan. U XVIII asr oxiri XIX asr boshlaridayoq (1780-1845), o’zbek ayolining dunyoqarashi, ma’naviyati, haq-huquqlari, jamiyatda tutgan o’rni, onalik baxti va mashaqqatlari haqida bong urgan.
Bular lirik qahramonning ishqqa munosabatida, olamni falsafiy idrok qilishda, atrof-muhitni badiiy timsollashtirishida yaqqol namoyon bo’ladi. Shoira lirik qahramonning atrofi, insonlarni Sharq ayoliga xos sinchkov nigoh bilan kuzatadi. Ruhiga uyg’oqlik baxsh etuvchi olamning yorug’ ranglarini tez ilg’aydi, ba’zan g’ofillik va jaholat belgilarini ko’rib og’rinadi. Mehr-oqibat, halollik, adolat, iymon kabi ezgu fazilatlarni sog’inib iztirob chekadi.
Uvaysiy she’riyatining boshqa ijodkorlar asarlaridan farqli tomonlari ko’p. Jumladan, har bir she’ri chuqur , ichki bir to’fon, tug’yon bilan yo’g’riladi. Ana shu – botiniy jazba lirik qahramonning ruhiy holatini ifodalashda noan’anaviy tashbehlar, sharhlar va timsollarni qo’llashga sabab bo’ladi. Shoira she’riyatidagi ulkan qudratga qodir lirik qahramon o’z shijoati bilan olamga g’ulg’ula sola oladi.
Uvaysiy asarlari hamisha insoniyatga ko’mak beruvchi, to’g’ri yo’l ko’rsatuvchi ma’naviyat sarchashmalaridir. Ma’naviyat esa - buyuk kelajakning poydevori. Shunday ekan, bizning vazifamiz - Uvaysiy singari ajdodlarimiz tomonidan bunyod etilgan ma’naviyatni anglash, uni ruhiyatimizda uyg’otish va ulg’aytirishdi.