Өзбекистан республикасы жоқары ҳӘм орта арнаўлы билимлендириў министрлиги қарақалпақ МӘмлекетлик университети

Пән оқытыўшысы:
 
 
Нурымбетов Б. 

---

«Тастыйықлайман» 
Химия – технология факультети деканы 
______________ Д.Турениязова 
«___» ____________ 2020 жыл 
 Лабораториялық жумыс №8 
Дисперс системалардың коагуляциясы 
Белоктың электролитлер еритпелери менен коагуляциясы 
Реактив ҳәм әсбап үскенелер: 6 н сирке кислотасы, 1%-ли мыс 
купоросы, 1%-ли К
2
[Fe(CN)
6
] еритпеси, 2 дана таўықтың мәйеги, 4 дана 
шийше пробирка, градуировкаланған 5 мл-лик пипетка, шийше шаршар, 
фильтр кағазы, проекциялық фонар. 
Тәжирийбени басламастан бираз алдын альбуминниң еритпеси таярлап 
алынады. Буның ушын еки дана мәйектиң белоги 1:8 қатнаста дистилленген 
суўда еритиледи. Бул ўақытта шөкпеге түскен глобулин фильтлеў жолы 
менен еритпеден ажратылады. Альбуминниң тынық еритпеси шама менен 5 
мл көлемде 4 пробиркаға куйылады. Соңынан биринши ҳәм үшинши 
пробиркаларға 0,2 мл 6 н сирке кислотасынан қуйып күшли түрде 
шайқатылады кейин биринши ҳәм екинши пробиркаларға 5 тамшы 1%-ли 
мыс купоросы еритпесинен, ал үшинши ҳәм төртинши пробиркаларға 1%-ли 
калий гексациано (III) феррат еритпесинен тамызылып оларда күшли түрде 
шайқатылады. Барлық 4 пробирка экран алдына қойылып проекциялық 
фонар арқалы жарықлық жиберилип пробиркалардағы болып атырған 
өзгерислер байқап барылады. 
Екинши ҳәм үшинши пробиркаларда белоктың анық коагуляциясы 
болып өтеди, ал биринши ҳәм төртинши пробиркалардағы альбумин 
еритпелери өзгериссиз қалады. 
Альбумин таярланған еритпеде терис зарядқа ийе болып, ол мыс 
ионлары тамызылғанда коагуляцияланады. Еки зарядлы гексацианоферрат
анионы белокты коагуляцияламаўының себеби олардың зарядлары бирдей.

---

Белок еритпесин кислота менен қышқылландырғанда белоктың 
макромолекуласы оң зарядқа өтеди, сонлықтан ол гексацианоферраттың еки 
зарядлы анионы қосылғанда коагуляцияланады, ал оң зарядланған мыс ионы 
бул жағдайда коагуляциялаўшылық тәсир көрсетпейди.