Отабаева Айгул топишмоклар lotin

2.  Harakat  yoki  belgi  +  uning  yuzaga  chiqish  payti:  Kunduzi  yonar, 

kechasi  so‘nar.–  Ko‘z  (o‘zb.t.,33-bet);  ...  ...  Soqoli  uning  qizil  go‘shtdan.  Sahar 

turib  shovqin  solar,  xabari  yo‘q  hech  bir  ishdan.–Xo‘roz  (o‘zb.t.,68-bet);  Shakli 

o‘xshar o‘roqqa, doim tutar so‘roqqa. –  So‘roq belgisi (gram. t.); 

3.  Harakat  yoki  belgi  +  uning  yuzaga  chiqish  sababi:    Katta-kichik  besh 

o‘rtoq, uyushsa bo‘lar to‘qmoq.– Barmoqlar (o‘zb.t., 42-bet); Pishirsa osh bo‘lar, 

pishirmasa  qush  bo‘lar.–Tuxum  (o‘zb.t.,74-bet);    Eshagim  quduqqa  tushib  ketdi, 

dumidan ushlasam , yulinib ketdi.–  Qora mayiz (o‘zb.t.,93-bet).           

      Topishmoqlarning  struktur tuzilishini quyidagicha ifodalash mumkin:    

      1. Topishmoq topilayotgan narsani o‘z ichiga oladi: Oyoqsiz, qo‘lsiz eshik 

ochar.–  SHamol.  Bu  topishmoqning  yuza  strukturasida  topilayotgan  narsaning 

muhim belgilari yotadi:  

 a)   moddiy ko‘zga ko‘rinmasligi;  

b)  narsaga  ta’sir  etishlik  belgisi  (eshikni  ochishi,  daraxtlarni  sindirishi  va 

boshqalar). Ana shu belgilar topishmoqni tuzish uchun asos bo‘lib xizmat qiladi. 

2.  Topishmoqning  semantik  strukturasi  shu  gapga  xos  mazmun  (mazmun  va 

qo‘shimcha bo‘yoqlar)dan iborat bo‘ladi. 

       Kishilar 

ifodalanayotgan 

fikrga 

o‘zlarining 

turli 

emotsional 

munosabatlarini  ifoda etadilar.  

---

 

17

      Topishmoqlarni  shu jihatdan ikki turga bo‘lish mumkin:  1) emotsional-

ekspressiv  bo‘yoqsiz  topishmoqlar;  2)  emotsional-ekspressiv  bo‘yoqdorlikni 

ifodalovchi  topishmoqlar.  

       Emotsional_-ekspressiv_bo‘yoqsiz_topishmoqlarda'>Emotsional-ekspressiv  bo‘yoqsiz  topishmoqlarda:  so‘zlovchining turli 

munosabatini ifodalovchi qo‘shimcha bo‘yoq bo‘lmaydi: avval, ariq, xunuk, katta, 

yuz,  husn,  maza  kabi  so‘zlar  narsa,  belgi,  harakatning  o‘zini  ifoda  etadi,  bularda 

so‘zlovchining  hech  qanday  munosabati  ifodalanmaydi.  Shu  sababli  bu  turdagi  

topishmoqlar  neytral  topishmoqlar  deb  ham  yuritiladi.    Masalan:  O‘zi  katta, 

kichikka egiladi. – Choynak(o‘zb.t.,151-bet); Ovozasi azonda, mazaligi qozonda. – 

Xo‘roz(68); Ro‘parada turibdi, yuzi dumaloq lo‘ppi. - Choynak.   

     Emotsional-ekspressiv  bo‘yoqdor  topishmoqlar:  suyish,  erkalash, 

g‘azab,  kinoya,  tan  berish  va  shu  kabi  munosabatlarni  ifodalaydi.  Bu  munosabat 

asosiy  belgisiga  ko‘ra  ikki  turli  bo‘ladi:  ijobiy    va  salbiy.    Shu  munosabatni 

ifodalashiga  ko‘ra  emotsional-ekspressiv  bo‘yoqdor  topishmoqlar  ham  ikki  turga 

bo‘linadi:  1)  ijobiy  emotsional-ekspressiv  bo‘yoqdor  topishmoqlar;  2)  salbiy 

emotsional-ekspressiv bo‘yoqdor topishmoqlar.        

     Ijobiy  emotsional-ekspressiv  bo‘yoqdor  topishmoqlar  so‘zlovchining 

narsa, belgi va harakatga bo‘lgan turlicha ijobiy munosabatini ifodalaydi. Masalan: 

Boshingdagi boshpana, qish-qirovda  gulxona.  –  Telpak  (o‘zb.t.,  171);  O‘zi  ko‘m-

ko‘k, yuzi qip-qizil. – Olma. 

       Salbiy  emotsional-ekspressiv  bo‘yoqdor  topishmoqlarda  so‘zlovchining 

narsa,  belgi  yoki  harakatga  bo‘lgan  mensimaslik,  nafrat  va  shu  kabi  salbiy 

munosabati ifodalanadi. Masalan:  O‘zi bitta, kallasi ikkita ... . – Ot mingan odam 

(32-bet); O‘zi yo‘rtiq, labi tirtiq.  – Quyon (61);    Arangday-parangday, ikki ko‘zi 

zaparangday.  –  Chigirtka(78);  Beli  bog‘li,  cho‘tir  choldir,  qo‘ynida  bor  bujur 

kampir.   – Yong‘oq  (o‘zb.t., 88-bet);  O‘zi pishiq,  burni qiyshiq.  –  No‘xot (o‘zb.t., 

101); Ernazar bobom enkayadi, kallasi qinqayadi ... ... . –  Tariq(o‘zb.t., 102). 

      Demak,  emotsional-ekspressiv  bo‘yoqdor    topishmoqlar  narsa,  belgi, 

harakat  kabilarni atash bilan birga, so‘zlovchining shu narsa, belgi yoki harakatga 

bahosini, turlicha munosabatini ham ifodalaydi.   

---

 

18

     Ko‘rinadiki,  topishmoqlar  o‘zlariga  xos  semantik  strukturani  hosil  qiladi. 

Ular  shakliy  va  mazmuniy  strukturalarning  o‘zaro  munosabatidan  tashkil  topgan 

yaxlitlik sanaladi. Uning mazmuniy strukturasi shakliy struktura ostiga yashiringan 

bo‘ladi.  

       Demak,  topishmoqlar  ikki  qatordagi  mazmuniy  tuzilishga  ega.  Birinchi 

qatorda  shakliy  tuzilish  birliklari  ma’nosidan  kelib  chiqadigan  yuza  mazmun, 

ikkinchi  qatorda  esa  shakliy  tuzilish  birliklari  ostida  ifodalanayotgan  va 

tinglovchining til ko‘nikmasi asosida anglashiladigan tagmazmun. Topishmoqlarda 

ana shu tagmazmunning mavjudligi uni metaforik matnga aylantiradi.