O’rta maxsus ta’lim vazirligi

Ассистент (ингл. - assistant) – ёрдамчи, кўпроқ шахсий ёрдамчи тарзида иш олиб бориб, корхон ёки фирма раҳбари ишларини ташкил этишда ёрдамлашади.
Аниматор –сайёҳлик соҳасида турли кўнгил очар тадбирлар, концертлар ва экскурсиялар ташкил этиш билан шуғулланади.
Ахборотлар ҳимояси мутахассиси–давлат, ташкилот ёки фирмаларга тегишли бўлган ахборотларни техник воситалар, махсус дастурлар ва ташкилий ишлар орқали ҳимоялаш билан шуғулланувчи шахс. Бундан ташқари мутахассислар ахборот хавфсизлигини таъминловчи тизимни ишлаб чиқиш, қўллаш ва доимий назоратини олиб бориш ишлари билан ҳам шуғулланади.
Бренд-менеджер – белгиланган савдо маркасига эга бўлган маҳсулотларни савдосини бошқариш билан шуғулланувчи мутахассис. Унинг маркетологдан фарқи у сотилаётган маҳсулотлар гуруҳини фақат иқтисодчи даражасида эмас, балки ишлаб чиқарувчи даражасида ҳам билиши зарур.
Девелопер – кўчмас мулк савдосида ер майдонини сотиб ёки ижарага олиб, кўчмас мулк объектини тўлиқ қуриб битириш билан шуғулланади.
Декларант – корхона ёки фирмаларни божхона ишлари (хужжатларни расмийлаштири, юкларни назорат қилиш ва бош.) билан шуғулланувчи мутахассис.
Джоббер – фонд биржасида акциялар олди-соттиси билан шуғулланувчи шахс. Брокердан фарқли равишда джоббер акциялар савдосини ўз маблағи ҳисобига амлага оширади.
Дилер–биржа ёки савдо –сотиқ жараёнида воситачиликни амалга оширувчи фирма ёки шахс.
Дистрибьютор (инг. – distribute - тақсимлаш) – корхона ёки фирма маҳсулотларини тўғридан-тўғри савдоси билан шуғулланувчи шахс(шахслар, фирма). Дистрибьютор шу корхона ёки фирманинг расмий вакили бўлиб, фақат шу корхона ёки фирма маҳсулотлари савдоси билан шуғулланади.
Интервьюер – ижтимоий сўровлар ёки ижтимоий тадқиқотлар билан шуғулланувчи шахс.
Координатор – савдо соҳасида буюртмачи ва ишлаб чиқарувчини юкларни етказиб бериш бўйича келиштириш, юкларни етказилишини назорат қилиш ва юкларни етказилиши бўйича молиявий ҳисоботларни юритиш билан шуғулланади.