Organik kimyodan maruzalar matni

Etil xlorid-C₂H₅Cl odatdagi sharoitda +12 ⁰C da qaynaydigan gaz bo'lib, sovitilganda oson bug'lanuvchan suyuqlikka aylanadi. Sanoatda suvsiz AlCl₃ yoki FeCl₃ katalizatorlari ishtirokida etilenni gidroxlorlash usuli bilan olinadi:

CH2=CH2 + HCl ^ CH3-CH2-Cl

Bundan tashqari, etil spirtiga yangi hosil qilingan HCl ta'sir ettirish yo'li bilan ham olinadi:

C2H5OH + HCl ^ C2H5Cl + H2O

Etil xlorid tetraetilqo'rg'oshin tayyorlashda ko'p miqdorda ishlatiladi. Tetraetilqo'rg'oshin esa benzinning oktan sonini oshirish uchun ishlatiladi.

Suyuq etil xlorid qaynaganda katta miqdorda issiqlik yutiladi. Agar odam tanasining biror qismiga etil xlorid purkalsa, u tezda bug'lanib ketadi va tananing shu qismi muzlaydi. Shuning uchun etil xlorid tibbiyotda kichikroq operatsiya jarayonlarida og'riqni qoldiruvchi dori moddasi sifatida ishlatiladi.

Yodoform-CHJ₃ och-sariq yoki sariq rangli, o'ziga xos o'tkir hidli qattiq kristall modda, 120 ⁰C da suyuqlanadi. Sanoatda etil spirtiga ishqoriy muhitda yod ta'sir ettirib olinadi. Reaksiya bir necha bosqichda amalga oshadi:

a