O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

To‘liq mukammal kadensiya — (to‘liq tugal kadensiya) kuy tuzilishining tonika primasida tugashi.
To‘liq nomukammal kadensiya — (to‘liqsiz notugal kadensiya) kuy tuzilishining tonika tersiyasi yoki kvintasida tugashi.
Tovushlar cho‘zimining asosiy bo‘linishi — tovushlarning ma’lum, teng qismlarga bo‘linishi: bunda har bir nisbatan katta qism ikkita teng kichikroq qismlarga bo‘linadi (masalan, butun nota - ikkita yarimtalik notaga teng; yarim nota – ikkita chorak notaga, sakkiztalik – ikkita o‘n oltitalik notaga va h.k.).
Tarkibli intervallar — oktavadan keng bo‘lgan intervallar.
Tembr — mazkur cholg‘u asbobi yoki kishi ovoziga xos bo‘lgan sadolanish xarakteri.
Temperatsiya qilingan soz — har bir oktava o‘n ikkita teng qism – yarim tonliklarga bo‘linadigan soz.
Temp (sur’at) — musiqaning ijro etilish sur’ati (maromi).
Tenor — erkaklarning yuqori ovozi. Tenor uchun yozilgan asarlar partiyalariga P.CHaykovskiyning «Evgeniy Onegin» operasidagi Lenskiy, «Pikovaya dama» operasidagi German partiyalari misol bo‘la oladi.
Tenor kaliti — do kalitlarining ko‘rinishlaridan biri. Nota yo‘lining to‘rtinchi chizig‘ida yoziladi va shu chiziqda turgan nota birinchi oktava do notasi, deb o‘qilishini bildiradi.
Tersdetsima — o‘zida o‘n uch bosqichni aks ettirgan (oktava orqali seksta) interval. Agar u o‘n yarim tondan iborat bo‘lsa katta tersdetsima, agar o‘n tondan iborat bo‘lsa kichik tersdetsima deb aytiladi. Katta tersdetsima - kat.13.; kichik tersdetsima – kich.13. bilan belgilanadi.
Terset — uch ijrochiga (asosan vokal) mo‘ljallangan musiqa asari.
Tersiya — o‘zida uch bosqichni aks ettirgan interval. Agar u ikki tondan iborat bo‘lsa katta tersiya, agar bir yarim tondan iborat bo‘lsa kichik tersiya deb aytiladi. Katta tersiya - kat.3.; kichik tersiya – kich.3. bilan belgilanadi.
Terskvartakkord — kvinta toni pastida bo‘lgan septakkordning ikkinchi aylanmasi, u ¾ bilan belgilanadi.