O`quv-uslubiy majmua Namangan davlat universitetining 20 yil dagi sonli bayonnoma bilan tasdiqlangan o`quv dasturi asosida ishlab chiqilgan

Minor ladi — birgalikda olingan (ijro etilgan) barqaror tovushlari minor uchtovushligini tashkil etuvchi lad.
Minor uchtovushligi — kichik va katta tersiyadan yoki kichik tersiya va sof kvintadan tashkil topgan uchtovushlik.
Modulyasiya — bir tonallikdan boshqasiga o‘tish.
Mordent (melizm) — uch notadan iborat bo‘lgan kuychan figura. Bunda: dastlab ustida mordent belgisi qo‘yilgan asosiy tovush, yuqori yordamchi (asosiy tovushdan yuqorida turuvchi) tovush va yana asosiy tovush ijro etiladi.


Musiqaning elementar nazariyasi — nota yozuvi va musiqaning asosiy elementlari: ladlar, tovushqator, intervallar, metr, ritm, akkordlarni o‘rganuvchi o‘quv fani.
Nomukammal konsonanslar — tovushlar bir-biriga nisbatan quyilib ketadigan intervallar, bularga katta va kichik tersiyalar, katta va kichik seksta kiradi.
Nona — o‘zida to‘qqiz bosqichni aks ettirgan (oktava orqali sekunda) interval. Agar u etti tondan iborat bo‘lsa katta nona, bordiyu olti yarim tondan iborat bo‘lsa kichik nona deb aytiladi. Katta nona kat.9; kichik nona esa kich.9 bilan belgilanadi.
Nota — tovushning balandligi va cho‘zimini ko‘rsatish uchun ishlatiladigan belgi.
Nota chizig‘i — notalar joylashtiriladigan besh gorizontal parallel chiziqlar. Ular pastdan yuqoriga qarab sanaladi.
Nota yo‘li — qarang: nota chizig‘i.
Nota yozuvini qisqartirish belgilari — nota yozuvini qisqartiruvchi belgilar. Repriza, tremolo, melizmlar vositasida nota yozish osonlashadi. Nyuanslar — qarang: dinamik belgilar.
Nomdosh tonalliklar — bir xil tonikaga ega bo‘lgan major va minor tonalliklari (masalan: do major va do minor, re major va re minor).
Obertonlar — aosiy tovushga hamrohlik qiluvchi tovushlar. Barcha obertonlar jaranglaganda tabiiy tovushqatorni hosil qiladi, ular (asosiy tondan) quyidagicha tartibda joylashadi: sof oktava, sof kvinta, sof kvarta, katta tersiya, ikkita kichik tersiya, uchta katta sekunda va h.k. Dastlabki olti tovush major (katta) uchtovushligini hosil qiladi va ladlarning major-minor tuzilmasini tashkil etishda katta ahamiyat kasb etadi.